ღაზას სექტორში ისრაელის ავიაციის შეტევების შედეგად კიდევ 12 ადამიანი დაიღუპა. დაღუპულთა საერთო რიცხვმა 132-ს მიაღწია. ამის შესახებ Reuters იუწყება.
ისრაელელი სამხედროების განცხადებით, ავიადარტყმა მოძრაობა „ჰამასის“ სამხედრო დაზვერვაზე და სარაკეტო კომპლექსებზე განხორციელდა. პალესტინელები აცხადებენ, რომ დაღუპულთა შორის ქალი და მისი სამი შვილიც არის.
თავის მხრივ, „ჰამასმა“ ისრაელის ტერიტორია რაკეტებით ისევ დაბომბა. ქალაქ ბერ-შევაში და აშდოდში სირენების ხმა ისმოდა. დაშავებულთა შესახებ ინფორმაცია არ ვრცელდება.
კონფლიქტის დაწყებიდან ღაზას სექტორში 132 დაღუპულს შორის 32 ბავშვი და 21 ქალია, 950- ადამიანი დაიჭრა.
ისრაელის მხრიდან არის 8 დაღუპული, მათ შორის ერთი სამხედრო მოსამსახურე და ორი ბავშვი.
კომენტარები