შეერთებული შტატების სახელმწიფო დეპარტამენტი 75 ქვეყნისთვის ვიზების გაცემას აჩერებს, მათ შორის საქართველოსთვის, – ამის შესახებ ინფორმაციას Fox News-ი ავრცელებს.
გამოცემის ცნობით, სახელმწიფო დეპარტამენტის მემორანდუმი საკონსულოს თანამშრომლებს ავალებს, უარი თქვან ვიზებზე არსებული კანონმდებლობის შესაბამისად, სანამ დეპარტამენტი ხელახლა შეაფასებს სკრინინგის და შემოწმების პროცედურებს.
Fox News-ის ინფორმაციით, 2025 წლის ნოემბერში 75 ქვეყნის საკონსულოებს სახელმწიფო დეპარტამენტის შეტყობინება გაეგზავნათ, რომლითაც თანამშრომლებს დაევალათ საიმიგრაციო კანონის ე.წ. “საზოგადოებრივი ტვირთის” დებულების შესაბამისად, ახალი წესების აღსრულება.
ინსტრუქცია ავალებს საკონსულოს თანამშრომლებს, უარი თქვან ვიზების გაცემაზე იმ განმცხადებლებისთვის, რომლებიც სავარაუდოდ ეყრდნობიან სახელმწიფო შეღავათებს, ფაქტორების ფართო სპექტრის გათვალისწინებით, მათ შორის ჯანმრთელობის, ასაკის, ინგლისური ენის ცოდნის, ფინანსების და გრძელვადიანი სამედიცინო მომსახურების პოტენციური საჭიროების გათვალისწინებითაც კი,” – წერს Fox News-ი.
ეს ქვეყნებია:
ავღანეთი, ალბანეთი, ალჟირი, ანტიგუა და ბარბუდა, სომხეთი, აზერბაიჯანი, ბაჰამის კუნძულები, ბანგლადეში, ბარბადოსი, ბელარუსი, ბელიზი, ბჰუტანი, ბოსნია, ბრაზილია, ბირმა, კამბოჯა, კამერუნი, კაბო-ვერდე, კოლუმბია, კოტ-დ’ივუარი, კუბა, კონგოს დემოკრატიული რესპუბლიკა, დომინიკა, ეგვიპტე, ერიტრეა, ეთიოპია, ფიჯი, გამბია, საქართველო, განა, გრენადა, გვატემალა, გვინეა, ჰაიტი, ირანი, ერაყი, იამაიკა, იორდანია, ყაზახეთი, კოსოვო, ქუვეითი, ყირგიზეთი, ლაოსი, ლიბანი, ლიბერია, ლიბია, მაკედონია, მოლდოვა, მონღოლეთი, მონტენეგრო, მაროკო, ნეპალი, ნიკარაგუა, ნიგერია, პაკისტანი, კონგოს რესპუბლიკა, რუსეთი, რუანდა, სენტ-კიტსი და ნევისი, სენტ-ლუსია, სენტ-ვინსენტი და გრენადინები, სენეგალი, სიერა-ლეონე, სომალი, სამხრეთ სუდანი, სუდანი, სირია, ტანზანია, ტაილანდი, ტოგო, ტუნისი, უგანდა, ურუგვაი, უზბეკეთი და იემენი.
ვიზების შეჩერება 21 იანვარს დაიწყება და განუსაზღვრელი ვადით გაგრძელდებ
კომენტარები