საქართველოს პრემიერ-მინისტრის, ირაკლი ღარიბაშვილის ინფორმაციით, ქვეყანაში საერთაშორისო დონის ვარსკვლავები ჩამოვლენ და კონცერტებს გამართავენ, ამისათვის კი 70 მილიონი ლარი გამოიყოფა.
“ჩვენ გვაქვს გეგმა, ქვეყანაში ჩამოვიყვანოთ მსოფლიო დონის ვარსკვლავები, არტისტები. ივნისში, ივლისში, აგვისტოსა და სექტემბრის დასაწყისში საქართველოში გაიმართება მსოფლიო დონის შემსრულებლების კონცერტები სტადიონებზეც და ასევე „ბლექ სი არენაზეც“. გამოვყოფთ 70 მილიონ ლარს, ჩვენ გვაქვს ამის შესაბამისი თანხები. მომდევნო ორ წელიწადში ეს პროექტი დაფინანსდება. საინტერესო პროგრამა გამოგვივა“
პრემიერმა აქვე დაანონსა მასშტაბური პროექტი, რომელიც დევნილებისთვის 7 000 ოჯახზე გათვლილი საცხოვრებელი ბინების მშენებლობას ითვალისწინებს და თქვა, რომ წელსვე ამ მიზნით 50 მილიონ ლარზე მეტი გამოიყოფა.
„ჩვენ ვიწყებთ მასშტაბურ პროექტს, ეს არის დევნილების ბინების მშენებლობა. 7 000 ბინაზე არის გათვლილი საცხოვრებელი ბინების მშენებლობა და წელსვე, ამ მიზნით გამოვყოფთ 50 მილიონ ლარზე მეტს“.
კომენტარები