პარლამენტის თავმჯდომარე ამტკიცებს, რომ პარლამენტის ავტოპარკის გაახლება აუცილებელია, რადგან უკვე არსებული ავტომობილები მოძველდა და შესაბამისად, უფრო ხარჯიანია.
ამასთან, პაპუაშვილი ირწმუნება, რომ გარემოზე ზრუნავს და ამიტომ ახალი ავტომობილები ჰიბრიდული იქნება.
ეს მანქანები, ავტოპარკის უმეტესობა დღეს არის ათ წელზე მეტის, 300 ათასი აქვს საშუალო გარბენი ყველას, ხარეჯი არის დიდი, ამიტომ პარლამენტმა გადაწყვიტეთ, რომ ჩავანაცვლოთ ამორტიზირებული მანქანები ჰიბრიდული ავტომობილებით, რომელსაც, ამავე დროს, ნაკლები დატვირთვა ექნება გარემოზე, – ამბობს შალვა პაპუაშვილი.
ცნობისთვის, თავისი ვერსია აქვს ავტოპარკის განახლებაზე ირაკლი ზარქუასაც:
ხომ აპირებს მოსვლას მთავრობაში ოპოზიცია, აი, მათთვის გავაკეთეთ. შემდეგი მოწვევისთვის ხდება ეს ყველაფერი და ნუ შეგყავთ საზოგადოება შეცდომაში. თუ გაქვთ შნო და უნარი, აი, როცა მოხვალთ ხელისუფლებაში, ადექით და გაყიდეთ და იარეთ მეტროთი. მაგას პირადად მე გაგიკონტროლებთ, ამბობს ზარქუა
რა იქნება პრიზი პასუხის საუკეთესო ვერსიისთვის, უცნობია.
საქართველოს პარლამენტი 6.7 მილიონ ლარად 60 ახალი ავტომობილის ყიდვას გეგმავს – შესაბამისი ტენდერი პარლამენტის აპარატმა დღეს გამოაცხადა. განაცხადის თანახმად, ერთი ავტომობილის შესყიდვის სავარაუდო ღირებულება 111,870 ლარი იქნება.
კომენტარები