“55-დან 65 წლამდე ქალებში არნახული და არაადამიანური აგრესიაა, ასევე კაცებში 45-დან 55 წლამდე…” – ვახო სანაია

ჟურნალისტი, ვახო სანაია:

“მოგეხსენებათ ან იქნებ არც მოგეხსენებათ, გვერდი არ არის ფეისბუქზე, სადაც მე არ შევდივარ, კომენტარს არ ვტოვებ ან სხვის დაწერილს არ ვკითხულობ.

ყოველთვის ვიცი სოციალურ ქსელებში ძირითადი ტენდენციები. შუღლის ჩამოგდებაში, რა თქმა უნდა, ტროლებისა და ბოტების ხელშეწყობას დიდი როლი აქვს, მაგრამ ისედაც სულ უფრო მეტი ადამიანია გაბოროტებული. შური, ბოღმა, ღვარძლი – ყველაფერი ერთად.

მძიმე ვითარებაა პედაგოგებში; შედარებით დაბალი რანგის სახელმწიფო მოხელეებში; კატასტროფა ხდება მრევლში – ყველაზე აგრესიული ის კატეგორიაა, ხატები, ,,მე მიყვარს პატრიარქი” და ,,არა ნამახვანჰესს” რომ უყენია პროფილზე.

ამასთან, როგორ ფრთხილადაც არ უნდა დავწერო, სიმართლე უნდა ითქვას : დღესავით ნათელია, რომ 55-დან 65 წლამდე ქალებში არნახული და არაადამიანური აგრესიაა. ასევე კაცებში 45-დან 55 წლამდე. საკითხს ალბათ რაღაც კვალიფიციური ახსნაც ექნება.”