დღეს “ალიამ” გაარკვია, რომ პარლამენტის მიმდებარე ტერიტორიის რეაბილიტაციის პირობებში, მერიამ პარლამენტის წინ დარგო მცენარე ოლეანდრა, რომელიც მსოფლიოს შხამიან მცენარეთა ათეულში შედის და მისი შხამი ხშირ შემთხვევაში სასიკვდილოა.
მერიას დავუკავშირდით და გვითხრეს – თუ არ შეჭამთ, არაფერი მოგივათო.
კი გვშია, მაგრამ, კარგი, ბატონო, არ შევჭამთ, მაგრამ ფოთოლს რომ შეეხოთ და დაზიანებული იყოს ფოთოლი, ან ხელის შეხებით დააზიანოთ, თვალთან მიტანისას სიბრმავეს იწვევს და ტუჩთან მიტანისას – მოწამვლას. მისი მტვერიც კი მომწამვლელია, მცენარე მთლიანად ტოქსიკურია, იმდენად, რომ მასთან შეხებისას მწერები იხოცებიან და მისი გამხმარი ტოტების დაწვაც არ შეიძლება, ეგაც მომწამვლელია.
ასე რომ მხოლოდ მისი უჭმელობით ვერ გავალთ ფონს.
ახლა გვინდა ჩამოვთვალოთ მხოლოდ და მხოლოდ ფაქტები, მშრალად:
1.წლების მანძილზე, თითქმის ყველა ოპოზიციური აქცია, ყველა შეკრება ტარდება პარლამენტის შენობის წინ, სწორედ აქ იდგა ზაზა სარალიძის, მალხაზ მაჩალიკაშვილის და სხვათა კარვები!
2. თბილისის მერიამ 2020 წლის იანვარში შემოღობა ეს ადგილი და თითქმის 8 თვე დასჭირდა რეაბილიტაციას.
3. იმ შემთხვევაში თუ მოქალაქეებს ამ ადგილას მოუნდებათ კარვების გაშლა, ან აქციის მოწყობა – ადგილი აქციისთვის აშკარად შევიწროებული და დაპატარავებულია, სწორედ მცენარეების ხარჯზე.
4. რამდენიც არ უნდა ვწეროთ, რომ ეს მცენარე მომწამვლელია, ქართველებს ეს მცენარე ვერ დააკავებს და რა თქმა უნდა, საჭიროების შემთხვევაში აქციაზე მაინც გავლენ.
5. მერიამ პარლამენტის შენობის წინ შხამიანი, ტოქსიკური მცენარე დარგო, იმ ადგილას, სადაც, როცა რაღაც გადამწყვეტი ხდება, ყოველთვის უამრავი ადამიანი გადის და ჭედვაც ყოფილა ხოლმე – ტოქსკური მცენარე დარგო.
არც სპეცრაზმი დასჭირდებათ, არც ხელკეტი, არც წყლის ჭავლი, არც ცრემლსადენი გაზი – აგერ არის ოლეანდრა.
ოლეანდრით მოწამვლა ძალიან ჰგავს გულის შეტევას, ერთი შეხედვით!
ვკითხეთ მერიას – რომელი უფრო მომწამვლელი იყო ზაზა სარალიძის და მალხაზ მაჩალიკაშვილის კარვები, თუ ოლეანდრა?
ჩვენ კი კიდევ ერთხელ მოგაწვდით, საქართველოს ეროვნული ბოტანიკური ბაღის სამკურნალო მცენარეების სექტორის ხელმძღვანელის, უფროსი მეცნიერ-თანამშრომელის, ბიოლოგიის მეცნიერების აკადემიური დოქტორის, ქალბატონი როზა ბიძინაშვილის ინტერვიუდან ნაწყვეტს:
“ყველაზე საშიში ტოქსიკური ყვავილია ყველასთვის ცნობილი ოლეანდრა, რამაც შეიძლება გარდაცვალება გამოიწვიოს. მისი ყველა ნაწილი ტოქსიკურია, განსაკუთრებით ფოთლები. ძალიან შხამიანი წვენი აქვს. მისი ფოთოლი, ღერო, ტოტი არ დაღეჭოთ, არ შეაჭამოთ ცხოველებს ან ფრინველებს, რადგან ისინი სწრაფი სიკვდილით დაიხოცებიან. ამიტომაც არის, რომ ამ მცენარის ფოთლებსა და ყვავილებზე ხშირად ნახავთ მკვდარ ბუზებსა და მწერებს, რაც მცენარის მომაკვდინებელი შხამით არის გამოწვეული. მასთან შეხების შემდეგ ხელები აუცილებლად უნდა დაიბანოთ.” (2016 წ. თბილისელები)
ალია
კომენტარები