ახალი რუსული სისტემა შინაგან საქმეთა სამინისტროში. თამაზაშვილის უწყება ათასობით ლარის დახარჯვას აპირებს, იმისთვის რომ შეისყიდონ ფოტო მონტაჟის ამომცნობი პროგრამა, რომელიც მოსკოვშია სერტიფიცირებული.
შს მინისტრის მოადგილესთან გაგზავნილია ოფიციალური წერილი, რომელშიც გამარტივებულ შესყიდვას ითხოვენ, რათა ხელშეკრულება გაგრძელდეს რუსულ კომპანიასთან. წერილი 10 აგვისტოთი თარიღდება.
თეონა აქუბარდია მედიასთან ამბობს:
რუსული პროგრამების შემოტანა შსს-ში ეროვნული და საინფორმაციო უსაფრთხოებისთვის არის დამატებითი გამოწვევა.
პირველი არის ის, რომ ტექნოლოგიებში შესაძლებელია იყოს ჩაშენებული იმგვარი სისტემა, რომელიც მიეწოდება რუსეთის სპეცსამსახურებს, და ეს ვალდებულება რუსულ IT კომპანიებს რომ გააჩნიათ, ვფიქრობ, ცხადია.
მეორე რისკი არის რა თქმა უნდა საგამოძიებო და პერსონალური ინფორმაციის გაჟონვის საფრთხე,
მესამე და მნიშვნელოვანი კი, ტექნოლოგიური მიბმა ოკუპანტ სახელმწიფოზე და
მეოთხე, ის რეპუტაციული ზიანი დასავლელი პარტნიორების თვალში, მაშინ, როდესაც რუსულ ტექნოლოგიურ კომპანიებს, მათ შორის ადევს სანქციები უმეტესწილად, ამ ვითარებაში ეს აზიანებს ქვეყნის ეროვნულ უსაფრთხოებას.
კომენტარები