ჩინეთის მასშტაბით COVID-19-ით ინფიცირების შემთხვევების რაოდენობა მკვეთრად იზრდება, გასულ 24 საათში ქვეყანაში თითქმის 32,000 ახალი შემთხვევა დაფიქსირდა, რაც რეკორდული მაჩვენებელია.
ვირუსი განსაკუთრებით სწრაფი ტემპით ვრცელდება დედაქალაქ პეკინსა და უმსხვილეს სავაჭრო ჰაბ გუანგჟოუში, რომელიც გლობალური მიწოდების ჯაჭვებში უმნიშვნელოვანეს როლს ასრულებს.
ინფიცირების შემთხვევების მკვეთრი ზრდა აჩენს იმის ვარაუდის საშუალებას, რომ ჩინეთის მთავრობამ ნულოვანი კოვიდპოლიტიკის გაგრძელებისა და ქვეყნის მასშტაბით მკაცრი რეგულაციებისა და ლოკდაუნების დაწესების გადაწყვეტილება მიიღოს.
შეგახსენებთ, რომ აპრილში დაფიქსირებული პიკის დროს, როცა დღიურად საშუალოდ 28,000 ადამიანი ინფიცირდებოდა, მმართველმა კომუნისტურმა მთავრობამ 27-მილიონიან ქალაქ შანხაიში ლოკდაუნი დააწესა.
კომენტარები