“3000 ლარის გამო დაგვადეს ინკასო – “მაესტრო” გაჩერდა”

ჩვენმა ხელისუფლებამ 3000 ლარის გამო, დაგვადო ინკასო. ეს ნიშნავს, რომ უსახსრობის გამო, მედია გაჩერდება, – ამის შესახებ რადიო „მაესტროს“ დამფუნებელი, მამუკა ღლონტი სოციალურ ქსელში წერს. მისი განმარტებით, შემოსავლის უქონლობის გამო, რადიოს თანამშრომლებს ხელფასები გაუნახევრდათ, ხოლო მენეჯმენტი რამდენიმე თვეა, ანაზღაურებას არ იღებს.

„covid 19 პანდემიად გამოცხადებისთანავე ყველა მედიაში მნიშვნელოვნად მოიკლო რეკლამამ, ხარჯებმა არა! მიუხედავად დიდი საფრთხისა, რადიო “მაესტროს” ჟურნალისტები ყოველდღიურად მუშაობენ, რომ საკუთარ უზარმაზარ აუდიტორიას მიაწოდონ სასიცოცხლო ინფორმაცია. შემოსავლის უქონლობის გამო, მათ ხელფასები გაუნახევრდათ! მენეჯმენტი რამდენიმე თვეა, საერთოდ არ ვიღებთ ხელფასებს! ვთვლით, რომ ეს ჩვენი სამოქალაქო პასუხისმგებლობაა. სწორედ ამ უბედურების დროს, როცა ჩვენს თანამშრომლებს, ლამის საარსებო სახსრები აღარ აქვთ და საწვავის თანხას ძლივს ვაგროვებთ, ჩვენმა ხელისუფლებამ 3000 ლარის გამო, დაგვადო ინკასო! ეს ნიშნავს, რომ უსახსრობის გამო, მედია გაჩერდება! შეგახსენებთ, შემოსული თანხა მხოლოდ საწვავში და საარსებოდ სამყოფ ხელფასებში იხარჯებოდა. დაგვადეს ინკასო! როგორ ვამუშაოთ, საქართველოს ლამის მთავარი საინფორმაციო რადიო “მაესტრო”? იქნებ ვინმემ რამე რჩევა მომცეთ, თორემ დარჩებით ბიძინა-მიშას მედია ამარა!“