რუსთაველის გამზირი გადაკეტილია – პარლამენტის შენობის წინ უკრაინის მხარდამჭერი აქცია იმართება. საქართველოს მოქალაქეები უკვე მეორე დღეა თბილისსა და რეგიონებში უკრაინის მიმართ, რუსულ აგრესიას აპროტესტებენ.
აქციაზე აღინიშნა, რომ ირაკლი ღარიბაშვილმა გუშინდელი განცხადების შემდეგ 300 ათასი დოლარზე ოდნავ მეტი გაიმეტა უკრაინის დასახმარებლად, მაშინ როცა ამ ღირებულების საათი უკეთია მაჯაზე.
აქციაზე გამოაცხადეს ისიც, რომ სალომე ზურაბიშვილს, რომელიც მიიწვია საფრანგეთში საფრანგეთის პრეზიდენტმა, საქართველოს მთავრობამ გამგზავრებაზე უარი განუცხადა.
აქციის მონაწილეებს მიტანილი აქვთ საქართველოსა და უკრაინის დროშები. ისმის 2 ქვეყნის სახელმწიფო ჰიმნები და ცოტა ხნის წინ გაჟღერდა ხორუმი, აქციის მონაწილეთა თქმით, ხორუმის გაჟღერება უკრაინაში მებრძოლმა ქართველებმა სთხოვეს.
მრავალათასიანი აქცია გუშინ, 25 თებერვალსაც შედგა დედაქალაქის მთავარ გამზირზე, რომელსაც მალევე გამოეხმაურა უკრაინის პრეზიდენტი და საქართველოს მოქალაქეებს მადლობა გადაუხადა.
კომენტარები