“30-35 წლის რუსი “ვაჟკაცი”, საყვედურობდა 73 წლის ქალს…” – გიორგი თავდგირიძე

“როგორც იქნა რუსულმა პროპაგანდამ აღმოაჩინა, რომ ალა პუგაჩოვას არც სმენა აქვს და არც ხმა, რომ 50 წელია მისი პოპულარობა მოჩვენებითი იყო, არც ერთი მისი სიმღერა არასდროს პოპულარული არ ყოფილა და საერთოდ თურმე მისი პატრიოტიზმი არ შეესაბამება მარგო სიმონიანის დაწესებულ პატრიოტიზმის მაღალ სტანდარტებს. რუსულმა პროპაგანდამ პუგაჩოვას ჯერ დასავლეთის აგენტი უძახა, მერე ესეც დაენანა და დასავლეთის არშემდგარ აგენტამდე ჩამოაქვეითა ( ალბათ არ შემდგარი მომღერალის კარიერას არშემდგარი აგენტი უფრო უხდება). ყველაზე კომიკური ის მომენტი იყო როდესაც 30-35 წლის პროპაგანდისტი რუსი “ვაჟკაცი”, რომელსაც ჯარშიც კი ერთი დღე არ უმსახურია, საყვედურობდა 73 წლის ქალს, რომ რუსეთისათვის ამ ყველაზე რთულ დროს ის ისრაელში წავიდა, კონტექსტი კი ალბათ ის იყო, ალა ბორისოვნა ფრონტზე რომელიმე სანგარს ძაან მოუხდებოდა.

არაფერი ახალი, პროპაგანდა და პროპაგანდისტი რუსეთშიც, უკრაინაშიც, ტანზანიაშიც და საქართველოშიც კი არის უსაზღვრო უზნეობა, არავითარი ღირებულებები და ნებისმიერ სიბინძურეზე ხელის მოწერის მუდმივი მზაობა.”