29 ივნისს დაგეგმილ აქციას საქართველოს მეხუთე პრეზიდენტი, სალომე ზურაბიშვილიც უერთდება – როგორც დღეს გამართულ ბრიფინგზე სალომე ზურაბიშვილმა განაცხადა, ერთად დგომა, ერთიანობა და წინააღმდეგობა იქნება სწორედ პასუხის იმ დაპატიმრებებზე, რომელსაც ადგილი აქვს პოლიტიკოსების და მოქალაქეების მიმართ.
წინააღმდეგობის პლატფორმის თითქმის ყველა ლიდერი ციხეშია… ამაზე პასუხი უნდა იყოს ნაბიჯი წინ ერთობაში – აცხადებს სალომე ზურაბიშვილი და ყველას მოუწოდებს 29 ივნისს, 20:00 საათზე ქუჩაში გავიდეს.
სწორედ ეს არის ერთადერთი ღირსეული პასუხი ჩვენი ღირსეული მომავლისთის – ამბობს მეხუთე პრეზიდენტი.
“ალბათ ყველასთავის მძიმე კვირად არის ეს კვირა აღქმული. ამდენი პოლიტიპატიმარი არათუ საქართველოს, არამედ ძალიან ცოტა ქვეყანას თუ ახსოვს, მაგრამ ეს არ არის იმის მიზეზი, რომ ჩვენ გავჩერდეთ, რადგან ეს რაც ხდება მაჩვენებელი არის იმის, რომ ჩვენ ვართ ძლიერები. ის ფაქტი, რომ პლატფორმის თითქმის ყველა ლიდერი ციხეშია, აჩვენებს, თუ რამდენად აწუხებთ მათ ეს წინააღმდეგობის ერთობა, ამიტომ პასუხი იმაზე, თუ რაც ხდება, კიდევ ერთი ნაბიჯი წინ და ეს ნაბიჯი წინ ნიშნავს, კიდევ ერთ ნაბიჯს წინ ერთობაში. ყველასი ერთად დგომა და ამისი საშუალება გვეძლევა კვირას 20:00 საათზე, რომ ყველანი გამოვიდეთ და მე ყველას, თითოეულ ადამიანს, რომელიც უყურებს და ესმის, რაც ხდება დღეს საქართველოში და გრძნობს საითკენ მიჰყავთ ჩვენი ქვეყანა, ეს ის დღე, როცა უნდა გამოვიდეთ ყველანი ერთად. მე ვიქნები იქ, ჩვენ დავდგებით ერთად და დავანახებთ პასუხად, თუ რამდენად ძლიერია საქართველოს ერთიანობა, თუ რამდენად ძლიერია ეს წინაღმდეგობა, ეს საზოგადოება. ეს არის ერთადერთი ღირსეული პასუხი ჩვენი ღირსეული მომავლისთის”, – განაცხადა სალომე ზურაბიშვილმა.
კომენტარები