ანალიტიკოსი დავით ქართველიშვილი:
„2008 წლის მიწურულს, უკრაინის უზენაესმა რადამ შექმნა საგამოძიებო-საპარლამენტო კომისია, საქართველოსთვის სახელმწიფო საწარმო “უკრსპეცექსპორტის” მიერ სხვადასხვა ტიპის შეირაღების მიწოდებასთან დაკავშირებული ყველა, მათ შორის საეჭვო გარემოებების შესწავლის მიზნით.
კომისიაში შევიდა 6 დეპუტატი: ვალერი კონოვალიუკი (რეგიონების პარტია) – ხელმძღვანელი, იგორ ალექსეევი (კომუნისტური პარტია), ვალერი ბონდიკი (რეგიონების პარტია), სერგეი გრინევეცკი (ლიტვინის ბლოკი), სერგეი ოსიკა (იულია ტიმოშენკოს ბლოკი), ნიკოლაი პეტრუკი (იულია ტიმოშენკოს ბლოკი). კომისიის მუშაობის წინასწარი მონაცემებით, გამოვლინდა მთელი რიგი ფინანსური მაქინაციები, რომლის მიხედვით, დოკუმენტებში შეიარაღების ფასი დაფიქსირებული იქნა საბაზრო ღირებულებასთან მიმართებით, 3-5-ჯერ ნაკლები ოდენობით, რამაც უკრაინის სახელმწიფო ბიუჯეტი განსაკუთრებულად დააზარალა.
აღნიშნული მონაცემების წინასწარი გამოქვეყნებისთანავე, უკრაინის СБУ-მ კომისია დაადანაშაულა “სახელმწიფო საიდუმლოების” შემცველი ინფორმაციის გამჟღავნებაში, რის გამო კომისიის მუშაობის გახანგრძლივებაზე, 2009 წლის ივნისამდე – მას უარი ეთქვა.
აქედან გამომდინარე, ანდრეი კასიანოვის მხრიდან, თვით უკრაინის რადას და მისი სპეცსამსახურის მიერ თავის დროზე ტაბუირებული თემის რეანიმირება რასთან არის დაკავშირებული – გაუგებარია. გაუგებარია ასევე – მოეხსნა თუ არა კასიანოვის მიერ გაჟღერებულ თემას უკრაინის “სახელმწიფო საიდუმლოების” გრიფი და შესაძლებელია თუ არა საქართველო-უკრაინის ურთიერთობების, იდუმალებით მოცულ და ერთ-ერთ განსაკუთრებულად საინტერესო ამ ეპიზოდის ყველა კითხვაზე, ბოლო-ბოლო გაეცეს ამომწურავი პასუხი…“
კომენტარები