22 თებერვალს ლუჟნიკის სტადიონზე სამშობლოს დამცველის დღისადმი მიძღვნილი აქცია-კონცერტი გაიმართება, რომელსაც 200 000 ადამიანი დაესწრება. ამის შესახებ ინფორმაციას რუსული სააგენტო ТАСС-ი საკუთარ წყაროებზე დაყრდნობით ავრცელებს.
ამავე ინფორმაციით, აქცია-კონცერტზე სტუმრების წინაშე რუსეთის ფედერაციის პრეზიდენტის, ვლადიმირ პუტინის სიტყვით გამოსვლაა დაგეგმილი.
წყაროების მიხედვით, სტადიონთან მთავარი სცენის გარდა, მოეწყობა ზონა ისტორიული რეკონსტრუქციისა და რუსული არმიის ტექნიკის გამოფენისთვის. როგორც TACC-ი წერს, აქციაში მონაწილეობას ე.წ. ახალგაზრდული და პატრიოტული ორგანიზაციების აქტივისტები მიიღებენ.
ბოლოს პუტინი ლუჟნიკის სტადიონზე 2022 წლის მარტში გამოვიდა, რომლის დროსაც საჩვენებელი კონცერტი ყირიმის ოკუპაციის კიდევ ერთ წელს და უკრაინაში ომის მხარდაჭერას მიეძღვნა.
კომენტარები