ანალიტიკოსი ზაალ ანჯაფარიძე „ნაციონალური მოძრაობის“ მიერ 21 დეკემბერს დაანონსებულ აქციას სოციალურ ქსელში ეხმაურება და საზოგადოებას სიფრთხილისკენ მოუწოდებს.
„ნაცმოძრაობა და მისი ლიდერები უკვე ღიად აცხადებენ სახელმწიფოს წინააღმდეგ აჯანყებას, სააკაშვილის გათავისუფლებისთვის. ებრძვიან ქვეყნის კონსტიტუციურ წესრიგს. რატომღაც თვლიან, რომ 2003 წლის სცენარი გაუვათ.
ვთვლი, რომ ამ შემთხვევაში სახელმწიფოს და კონსტიტუციის დაცვა არ არის მხოლოდ სამართალდამცავების და უსაფრთხოების სამსახურის საქმე, არამედ ყველა იმ მოქალაქის ვინც ბოლო ორ არჩევნებზე საკუთარი არჩევანი გააკეთა და ეს არჩევანი საერთაშორისოდ იქნა აღიარებული.
21 დეკემბერს განსაკუთრებული სიფხიზლე და მობილიზება გვმართებს ყველას, ვისაც არ სურს ქვეყანაში “ნაცმოძრაობის” სახელით ცნობილი ჭირის დაბრუნება, დესტაბილიზაცია, ახალი ომი და ქაოსი,“- წერს ზაალ ანჯაფარიძე.
კომენტარები