ორბელიანების სასახლის ეზოში შეკრებილებს, მათ შორის დიპლომატიურ კორპუსს საქართველოს პარლამენტის თავმჯდომარემ, შალვა პაპუაშვილმაც მიმართა და თქვა, რომ დღეს “ჩვენი თაობის ყველაზე მასშტაბური აგრესიის” 1 წელი სრულდება.
პაპუაშვილმა გაიხსენა, რომ ხვალ სრულდება საქართველოს პირველი რესპუბლიკის ანექსიიდან 102 წელი და თქვა, რომ “მაშინ მსოფლიომ თვალი დახუჭა საქართველოს და სხვა ერების თავისუფლების მისწრაფებების ძალით ჩახშობაზე” და აღნიშნა, რომ იგივე შეცდომა არ უნდა გამეორდეს.
“2022 წლის უკრაინა არ უნდა გახდეს 1921 წლის საქართველო”,- თქვა პაპუაშვილმა.
ამის შემდეგ კი პაპუაშვილმა ომში მყოფი უკრაინის მიმართ მთავრობის მხარდაჭერაზე ისაუბრა:
“საქართველო ომის დაწყების დღიდან ურყევად და უპირობოდ დგას უკრაინისა და უკრაინელი ხალხის გვერდით. ნატოსა და ევროკავშირის სამხედრო და ეკონომიკური დაცვის გარეშე მყოფი და თავად სასიცოცხლო უსაფრთხოების რისკების წინაშე მდგომი ქართველი ხალხი და მისი ხელისუფლება უკომპრომისოა უკრაინის მხარდაჭერაში”,- თქვა პაპუაშვილმა.
კომენტარები