“2012 წელს ზეწოლაც იყო, მოსყიდვაც და გაყალბებაც, მაგრამ ხელისუფლება მაინც შეიცვალა” – არჩილ გამზარდია

ჟურნალისტი, არჩილ გამზარდია:

“ოპოზიცია რომ ზეწოლას, მოსყიდვას და გაყალბებას ასახელებს მარცხის მიზეზად, დროა, გამოერკვიოთ. 2012 წელს მაშინდელი ხელისუფლებისგან ზეწოლაც იყო, მოსყიდვაც და გაყალბებაც, მაგრამ ხელისუფლება მაინც შეიცვალა.

ჰოდა, მორჩით სულ სხვებზე მიბრალებას.

საერთო ჯამში, ოპოზიციის ნაწილისგან მიშაზე მიბრალებაც არასწორია.

ყველა თავის სამიზნე ჯგუფზე მუშაობს.

მაგრამ ჩვენი ოპოზიციის ნაწილს უნდა რომ იყოს მეორე ნაცმო, მესამე მიშა და ა.შ.

მიშაზე მიშა ვერ იქნებით.

საკუთარი სახე უნდა შექმნათ.

დიახ, ოცნებას ძალაუფლება და პროპაგანდა აქვს, მიშას თავის უნიკალური სახე (თავის დადებითიან-უარყოფითიანად), დღევანდელი ნაცმო უფრო განახლებულია, ჰყავს ლიდერი, რომელსაც სააკაშვილი სერიოზულ კონკურენტად თვლის, თავად ნაცმოს ერთი წუთით არ შეუჩერებია განვითარება. დღევანდელი ნაცმო ბევრად საინტერესოა, უფრო თანამედროვე, უფრო პოზიტიურიც და მის მიმართ ლოიალობაც უფრო გაიზარდა ამ სიახლეების შედეგად.

დანარჩენი ოპოზიცია კი ნახევრად დახატული ნახატივით გაიყინა, არც სახე აქვს, არც შინაარსი, არც უნიკალობა.

ჰოდა, მორჩით სხვებზე დაბრალებას, შექმენით საკუთარი თავი.

ნაცები და ქოცები კი საღოლ. მართლა საღოლ. ჩვენს ქვეყანაში ხანგრძლივი ბრენდის ლუდიც კი ბეზრდებათ. თქვენ კი არა.

ჰოდა, მინდა თუ არ მინდა, პატივს გცემთ.”