პოლიტოლოგი, დავით ზურაბიშვილი:
იმას ხომ მიჩვეული ვარ, რომ როცა ხელისუფლება ნამეტნავად ცუდად იქცევა და მის წინააღმდეგ საპროტესტო განწყობების კონსოლიდაციაა უმთავრესი ამოცანა, ვინმე აუცილებლად გამოხტება და ნიშნის მოგებით დაგვამუნათებს, 2012-ში რუსები რომ მოათრიეთ აბა რა გეგონათო, და, ახლა მათ დაემატა ის ხალხი, ვინც იმაზე გვამუნათებს, ვისაც კანდიდატის სტატუსი გაგიხარდათ, აღიარეთ რომ დებილები იყავითო. ასეთები კი შედარებით ცოტანი არიან, მაგრამ მთავარი სხვაა.
მე მაგალითად მიმაჩნია, რომ ეს ხელისუფლება საერთოდ რომ გვყავს დღეს და აქამდე ვერ შევცვალეთ, დიდწილად იმ მიზეზითაა, რომ ამდენი ხანი ოპოზიციაში ნაცური ხედვები და აღქმები დომინირებს, მაგრამ ძალიან მეწვრილმანე ეგოისტი უნდა ვიყო, ახლა რომ ამაზე დავუწყო ვინმეს ჭკუის სწავლება. არანაირი მნიშვნელობა არა აქვს რამდენად გულწრფელები არიან ეს დამმუნათებლები, რადგან ახლა არის ერთმანეთთან პრეტენზიების გვერდზე გადადების და საკუთარი ბრაზის ხელისუფლების წინააღმდეგ ფოკუსირების დრო. ვინც ამდენს ვერ ხვდება, ის რას ხვდება საერთოდ ცხოვრებაში, აღარ ვიცი მართლა.
კომენტარები