ჟურნალისტი, პირველი არხის სამეურვეო საბჭოს წევრი, ბონდო მძინარაშვილი:
“2003 წლის საარქივო ჩანაწერებს გადავხედე და ისე, ცნობისთვის გეტყვით, რომ მაშინაც ძალიან აქტიურობდნენ ოკეანის გაღმა-გამოღმა – დასავლეთიც და აღმოსავლეთიც, ჩრდილოეთიც და სამხრეთიც!
თათბირები და სხდომები დახურული იყო და ეს ჩანაწერებიც დახურულია, ვერ გავასაჯაროვებ, თუმცა იმის თქმა კი შეიძლება, რომ სწორედ 75 წლის პრეზიდენტის დათმობებმა და მმართველი გუნდის არაერთსულოვნებამ (რბილად ვამბობ!) მოიყვანა ხელისუფლებაში მანიაკი სააკაშვილი!
გადადგომიდან ზუსტად 6 წლის შემდეგ პრეზიდენტ შევარდნაძეს ვკითხე, დათმობდა თუ არა ძალაუფლებას, ათი წლით ახალგაზრდა რომ ყოფილიყო. თვალები წამიერად აენთო და მერე მშვიდად მიპასუხა, – მე ჩემი ხალხის სისხლს არავითარ შემთხვევაში არ დავღვრიდიო!
შევარდნაძე ათი წლით ახალგაზრდა, 65 წლის იყო 1993 წელს!
დათმობდა? დარწმუნებული ვარ, რომ არა! არავითარ შემთხვევაში!
რადგან ძალაუფლება არ დათმო არც 67 წლისამ და არც 72 წლისამ!
75 წლის ედუარდ შევარდნაძეს კი ძალაუფლება დაათმობინეს!
მაშინდელი შეცდომების გამეორება არ შეიძლება!
კონსტიტუციას არავინ არ უნდა გადააბიჯოს!
ეს ძალიან ძვირად უჯდება ქვეყანას!
P. S. ასაკი შემთხვევით არ მიხსენებია.
P. P. S. 1974 წელს, ნიქსონის გადადგომის შემდეგ, ამერიკის შეერთებულ შტატებში მიიღეს კანონი, რომლის დამრღვევს 4-წლიანი პატიმრობა ემუქრება სამსახურებრივი ბლოკნოტის, თეთრ სახლში გაკეთებული ჩანაწერების განადგურებისთვის. ჩვენც გვჭირდება ასეთი კანონი!”
კომენტარები