კანონიერი ქურდის, გია კვარაცხელიას შვილს,18 წლის ნიკა კვარაცხელიას, თბილისის ცენტრში დღეს 9 ტყვია ესროლეს.
“ტვ პირველის” ინფორმაციით, კონფლიქტი სახლში დაიწყო და სისხლიანი გარჩევით ანჯაფარიძის ქუჩაზე დასრულდა.
პოლიცია დამნაშავეს ამ დრომდე ეძებს. ის ადგილიდან გაიქცა.
დაჭრილი 18 წლის ბიჭი, რომელიც სისხლისგან იცლებოდა ქუჩაში, საავადმყოფოფში გამვლელებმა გადაიყვანეს. ახალგაზრდას 9-დან ორი ტყვია გულ-მკერდის არეში აქვს მოხვედრილი.
იმ ადგილზე, სადაც დაჭრის ფაქტი მოხდა, 4 კამერა დგას და წესით, სამართალდამცველებს დამნაშავე იდენტიფიცირებული უნდა ჰყავდეს.
რომ გადმოვიდა ეს ბიჭი, 9 ტყვია დაახალეს, 2 გულში. ადგილობრივმა მაცხოვრებელმა, პროფესორის შვილიშვილია ის ბიჭი, აიყვანა და მანქანით საავადმყოფოში გადაიყვანა. ვერ გეტყვით, ვინაა დაჭრილი, ახალი ნაყიდი აქვს აქ ბინა.- უყვება ტვ პირველს ადგილობრივი მაცხოვრებელი.
მე-9 საავადმყოფოს ექიმის ინფორმაციით, დაჭრილს ოპერაცია ჩაუტარდა, მისი ჯანმრთელობის მდგომარეობა მძიმეა და მკურნალობას რეანიმაციულ განყოფილებაში გადის.
უკავშირდება თუ არა ნიკა კვარაცხელიას დაჭრის ფაქტი მისი მამის კრიმინალურ საქმიანობას, ამ ეტაპზე უცნობია. გავრცელებული ინფორმაციით, ,კანონიერი ქურდი” გია კვარაცხელია იტალიაში იმყოფება.
წყარო – ტვ პირველი
ბრონქსია ტო?
პოლიციას და ძალოვნებს კრიმინალებისთვის აღარ ცალიათ ჩვენი ზარების გაშიფვრაზე არიან გადასული. მე მარტი გუშინ 20 ზარი განვახორციელე, წარმოიდგინეთ 3 მილიონი ზრდასრული ადამიანის მოსმენა, ზოგი ჭამს ზოგი სვამს ზოგი ისაქმებს, ზოგიც ასე ზოგიც ისე. მოკლედ ყელამდე საქმე აქვთ!