უკრაინის პრეზიდენტმა აზიის ლიდერების კონფერენციის მონაწილეებისთვის სიტყვით მიმართვისას თქვა:
–2 მილიონი ჩვენი მოქალაქე წაიყვანეს რუსეთში, საბუთები ჩამოართვეს და აშინებენ.
აღნიშნული კონფერენცია სეულში მიმდინარეობს და ვოლოდიმირ ზელენსკი ლიდერებს ონლაინ ჩაერთო.
მან ხაზგასმით აღნიშნა, რომ რუსეთში გადაყვანილებს შორისაა რამდენიმე ასეული ათასი ბავშვი.
მისი თქმით, დეპორტირებულები მოკლებული არიან კავშირგაბმულობის საშუალებებს, ართმევენ საბუთებს და ცდილობენ წაიყვანონ რუსეთის შორეულ რაიონებში, რათა გაურთულონ სამშობლოში დაბრუნება.
ზელენსკიმ აღნიშნა, რომ რუსეთმა იძულებით შექმნა ე.წ. ფილტრაციის ბანაკები, რომლებითაც აიძულებს ხალხს ოკუპირებულ ტერიტორიებზე გავლას.
“იქ ათიათასობით ადამიანი რჩება. იქ ახალგაზრდა ქალები ქრებიან. ვფიქრობ, ყველას გესმით, რა ხდება მათ თავს იქ,“ – განაცხადა უკრაინის პრეზიდენტმა.
კომენტარები