სამხედრო ექსპერტი ამირან სალუქვაძე მიხეილ სააკაშვილის დღევანდელ განცხადებას სოციალურ ქსელში ეხმიანება.
“სააკაშვილის პოსტს ვუპასუხებ ორი სიტყვით.
ასე უტიფრად ხალხის გატაცებებზე როგორ წერს, როცა ოკუპაცია მისი მმართველობის დროს დადგა და მისი პრეზიდენტობის დროს, 4 წელში, ოკუპანტებმა ჩვენი მოქალაქე გაიტაცეს. რამდენჯერ უნდა გაგახსენოთ?!
რომელ სწრაფ განვითარებაზე საუბრობს? 2011 წელს ინფლაციამ 11,3%-ს მიაღწია, ხორცი რამდენჯერმე გაძვირდა, იგივე ეხება საწვავს და სხვა პირველი მოხმარების ნაწარმს. ახლანდელი ფასები რომ “გიკვირთ”. თქვენს გარდა ყველას აქვს უფლება ფასებზე ისაუბრონ. შემდეგ პოსტში დავდებ ფასების დიაგრამებს და ნახეთ. ადრეც გამოვაქვეყნე, მაგრამ არ გესმით.
ე.წ. შავ სიას რაც შეეხება, ზონდერებზე როგორ საუბრობთ, აქეთ როგორ იმუქრებით, როცა ექსპრეზიდენტიდან და ექსპრემიერიდან დაწყებული 200-მდე მაღალჩინოსანია გასამართლებული. წადით და სტრასბურგში ეძებეთ სამართალი, თუ აქაური, თქვენივე შექმნილი სასამართლო არ მოგწონთ.
ხელისუფლებაში იყავით, ხალხს ატერორებდით, ოპოზიციიდანაც ახერხებთ, მოპარული ასეულობით მილიონის, უკანონოდ შეძენილი მედიების მეშვეობით.
შექმენით რაღაც “ტროიკა”, რომელმაც თურმე შავი სია უნდა შეადგინოს. ბოლშევიკებზე უარესები ხართ. რა მანდატი აქვთ თქვენს ჯიბის ადვოკატ რამიშვილს ან სხვებს, შავი სია ადგინონ და გამოფინონ? არც კი უფიქრდებით, რა შედეგები შეიძლება მოჰყვეს მაგ “ტროიკისთვის” ამ უკანონო ქმედებებისთვის და ადამიანთა დევნისთვის.
ქვეყანას რომ არ ამშვიდებთ, ვხედავთ. ყაზახეთიზაცია აქ არ გამოგივათ. თქვენს გააქტიურებას ვერ შეფუთავთ ხალხზე ზრუნვით. ომის დროს არ გიზრუნიათ მოსახლეობაზე, არც ომის შემდეგ, ახლა გაგისკდათ ვითომ ბუშტი?!” – წერს ამირან სალუქვაძე.
შეგახსენებთ, დღეს, საქართველოს მესამე პრეზიდენტმა, მიხეილ სააკაშვილმა რუსთავის ციხიდან მორიგი გზავნილი გაავრცელა, სადაც ყოფილი პრეზიდენტი წერს, რომ კრიზისიდან ერთადერთი გამოსავალია საზოგადოების გაერთიანება და რიგგარეშე არჩევნების დანიშვნაა“
ნაცმოძრაობისთვის მეორედ ვაქვეყნებ ამ მონაცემებს, რაც წინა პოსტში დავაანონსე და მეასედ ვიმეორებ: ნებისმიერი ადამიანისგან მივიღებ ფასებზე საუბარს, კრიტიკას და პრეტენზიებს, გარდა ნაციონალური მოძრაობისგან (ყოფილებსაც ეხებათ), ერთი მარტივი მიზეზის გამო: 2-3 და მეტჯერ გაძვირდა თქვენს დროს ყველაფერი. გადახედეთ დიაგრამებს. დანარჩენ მოქალაქეებს, ექსპერტებს, პოლიტიკოსებს სრული მორალური უფლება აქვთ აკრიტიკონ და პრეტენზიებიც განაცხადონ. ფასების მატება არავის მოგვწონს. თუმცა, კვალიფიციური მსჯელობასთან ერთად, კონკრეტული წინადადებებიც უნდა მოჰყვეს, თორემ პოპულიზმს და სპეკულაციებს შედეგი არ მოაქვს. აგერ წამლებზეა დაწყებული მუშაობა…“ – წერს ამირან სალუქვაძე და საკუთარი სიტყვების დასტურად დიაგრამებს აქვეყნებს.
კომენტარები