„ომის დასრულების შემდეგ უკრაინა ნატოს ან ბირთვული იარაღის მქონე ქვეყნებს უნდა შეუერთდეს“, – ამის შესახებ უკრაინის უშიშროებისა და თავდაცვის საბჭოს მდივანმა ოლექსი დანილოვმა განაცხადა.
მისივე თქმით, უკრაინამ შეცდომა დაუშვა, როდესაც ბირთვულ იარაღზე უარი თქვა.
„მე მომხრე ვარ, რომ გვქონდეს ალიანსი ნატოსთან ან იმ ქვეყნებთან, რომლებსაც ამჟამად აქვთ ბირთვული იარაღი. ბირთვული იარაღი არის დაცვა, რომლის იმედიც შეგიძლიათ რომ გქონდეთ. ერთ დროს, 1994 წელს, ჩვენ ტყუილად დავთმეთ ჩვენი ბირთვული იარაღი, უსაფრთხოების გარანტიები უნდა მიგვეღო, მაგრამ ვხედავთ, რომ ქვეყანამ, რომელმაც ამ ყველაფერს მოაწერა ხელი, 2014 წელს შეთანხმება დაარღვია“, – განაცხადა დანილოვმა.
კომენტარები