პერმში, სახელმწიფო უნივერსიტეტზე მომხდარი თავდასხმის შედეგად, 8 ადამიანი დაიღუპა, 19 კი დაშავდა.
Ura.ru – ს მონაცემით, მსროლელმა გამოაქვეყნა წერილი სოციალურ ქსელში, სადაც წერდა, როგორ ემზადებოდა უნივერსიტეტზე თავდასასხმელად. იგი წერს, რომ მეათე კლასიდან აგროვებდა იარაღის საყიდელ ფულს. მას იარაღის ფლობის უფლებაც ჰქონდა. თავდამსხმელი 18 წლის თემურ ბეკმანსუროვია. იგი წერს იმასაც, რომ მაისის ბოლოდან მოყოლებული, მას იმდენად უჭირდა თავის კონტროლი, რომ შეწყვიტა ყველა კონტაქტი. იგი თვლიდა, რომ უნივერსიტეტში სწავლა მისი ცხოვრების ყველაზე დიდი შეცდომა იყო. იგი წერს, რომ არც ერთი ექსტრემისტული დაჯგუფების წევრი არ არის, არ არის რელიგიური და აპოლიტიკურია.
“360tv”–ს ინფორმაციით, მსროლელი თავის წერილში წერს, რომ თავდაპირველად სკოლაზე აპირებდა თავდასხმას, მაგრამ შემდეგ გადაიფიქრა, რადგან “ბავშვებისთვის რთულია გაქცევა”
ადგილობრივი მედია ვარაუდობს იმასაც, რომ შესაძლოა, მისთვის ეს გარკვეული თამაში იყო, ან ფსიქოლოგიური პრობლემები ჰქონდა. ისინი ხაზს უსვამენ, რომ 18 წლის მსროლელი აპოლიტიკური იყო და არც რელიგიური გახლდათ. მედიის ცნობით, მსროლელის გვერდი უკვე დაბლოკილია სოციალურ ქსელში.
“უნდა ამოქმედებულიყო სიგნალიზაცია, თუმცა, არ სიგნალიზაციის ხმა არ იყო. არც მე და არც სხვას, არ გაგვიგია. პირველ რიგში დაცვის თანამშრომელი მოკლა, შემდეგ ფანტანის გარშემო დაიწყო სროლა და ესროდა მთელ კორპუსსაც. პანიკაში ჩავარდნილი ადამიანები ხტებოდნენ ფანჯრებიდან.” – ჰყვება სტუდენტი.
სტუდენტები ჰყვებიან, რომ სროლის ხმის გაგონების შემდეგ, იატაკზე დაწვნენ და დაახლოებით ერთი საათი ასე გაატარეს, სანამ მათი ევაკუაცია არ მოხდა.
“მშვიდი იყო და ადეკვატური. მასზე კარგი აზრის ვიყავი.” – ამბობს ადგილობრივ მედიასთან მსროლელის კლასელი.
ამჟამინდელი ინფორმაციით დაღუპულია ცხრა ადამიანი, დაშავებულია 24 – აქედან 19 ადამიანი დაჭრილია.
21 მაისი პერმში გლოვის დღედ გამოცხადდა.
კომენტარები