“17 წლის ვიყავი… მაშინ გაუპატიურება ძალის გამოყენებასთან ასოცირდებოდა…” – რა შეემთხვა 17 წლის ასაკში მომღერალს

ინგლისელმა მომღერალმა სოფი ელის-ბექსტორმა მემუარების წიგნი Spinning Plates გამოსცა, სადაც მუსიკოსმა სექსუალური ძალადობის ფაქტი აღწერა, რომელიც ახალგაზრდობაში შეემთხვა. როგორც ამბობს, იგი 17 წლის იყო, როდესაც 29 წლის გიტარისტმა გააუპატიურა. 

“ბევრჯერ ვუთხარი “არა” და “არ მინდა”, მაგრამ არ მისმენდა, მერე ყველაფერი ბუნდოვანი გახდა, ძალიან არ მესიამოვნა, კარგად ვერ ვხვდებოდი რა ხდებოდა. ასე დავკარგე ქალიშვილობა, გამოუცდელი ვიყავი და საკუთარი თავი დავადანაშაულე. 90-იანებში გაუპატიურება ძალის გამოყენებასთან ასოცირდებოდა, მას ძალა არ გამოუყენებია, უბრალოდ ჩემს უარს ყურადღება არ მიაქცია, მხოლოდ გარკვეული დროის გასვლის შემდეგ მივხვდი, რომ ჩემზე იძალადეს”. – იხსენებს მომღერალი.