დღეიდან სკოლები, რომლებშიც საარჩევნო უბნები იქნება განთავსებული, დისტანციური სწავლებაზე გადავიდნენ. როგორც უწყებათაშორისი საკოორდინაციო საბჭოს სხდომის შემდეგ განათლების მინისტრმა, მიხეილ ჩხენკელმა განაცხადა, ამ ფორმით სწავლება 1 კვირის განმავლობაში გაგრძელდება.
„აჭარის გარდა ასეთია 1419 სკოლა, სადაც საარჩევნო უბანია განთავსებული და ისინი დღეიდან უკვე არიან დისტანციურ სწავლებაზე, რადგანაც ოთხშაბათს, ანუ დღეს, ხვალ და ზეგ ჩატარდება მოსამზადებელი სამუშაოები, ხოლო მომავალი კვირის ორშაბათს და სამშაბათს, უკვე არჩევნების შემდეგ, ამ სკოლებში ჩატარდება სადეზინფექციო სამუშაოები და, შესაბამისად, შემდეგი კვირის ოთხშაბათს სწავლა უკვე განახლდება ამ სკოლებში ჩვეულ ფორმატში“, – განმარტა მინისტრმა.
საპარლამენტო არჩევნები საქართველოში 31 ოქტომბერს ჩატარდება.
კომენტარები