14 წლის გოგოს გაუპატიურების საქმეზე სამეგრელოში დაკავებული მეზობელი თავს დამნაშავედ არ ცნობს და ბრალს არ აღიარებს.
სასამართლო პროცესი ცოტა ხნის წინ დასრულდა. ეს საქმეზე პირველი სხდომა იყო. შემდეგი სხდომა ერთ თვეში გაიმართება.
დაცვის მხარე აღკვეთი ღონისძიების სახით პატიმრობის გირაოთი შეცვლას ითხოვდა, თუმცა სასამართლომ შუამდგომლობა არ დააკმაყოფილა.
სამეგრელოში 14 წლამდე მოზარდის გაუპატიურების ბრალდებით მამა და მეზობელი 8 მაისს დააკავეს.
შინაგან საქმეთა სამინისტროს განცხადების მიხედვით, მამა არასრულწლოვანს მოკვლით ემუქრებოდა, რის გამოც ის მომხდარს წლების განმავლობაში მალავდა. მოზარდთან სქესობრივ კავშირს სისტემატურად ამყარებდა მეზობელიც. დანაშაულის შესახებ არასრულწლოვნის წერილიდან გახდა ცნობილი, რომელიც დედამ შემთხვევით აღმოაჩინა.
კომენტარები