აშშ-ს მასაჩუსეტის უნივერსიტეტის პროფესორი, ზურაბ გურული:
11 პოლიტიკური აქსიომა, რაც დღეს უნდა იცოდეს საქართველოს ყველა პატრიოტმა მოქალაქემ
——————
1. პოლიტიკური ევროპისაკენ სვლა არის საქართველოს კონსტიტუციაში შეტანილი ოფიციალური მიზანი;
2. პოლიტიკური ევროპის მკაცრი გაფრთხილების უგულებელყოფა, რომ “აგენტების კანონის” მიღება გამოიწვევდა საქართველოს ევროპული სვლის შეჩერებას, არის ანტიკონსტიტუციური აქტი;
3. 78 დეპუტატი და მათი საქციელის ყველა წამხალისებელ-დამცველი ქართველი პოლიტიკოსი თუ მოქალაქე, არიან საქართველოს ეროვნული ინტერესების მოღალატეები და კონსტიტუციის დამრღვევები;
4. კონსტიტუციის, სახელმწიფოს უზენაესი სამართლებრივი აქტის დამრღვევები არიან სახელმწიფო დამნაშავეები;
5. სახელმწიფო დამნაშავეები არ შეიძლება მონაწილეობას იღებდნენ ქვეყნის მართვაში. დაუყოვნებლივ უნდა ჩამოშორდნენ ყველა სახელმწიფო თანამდებობას და დაიწყოს ოფიციალური გამოძიება მათ წინააღმდეგ, სახელმწიფო ღალატის მოტივების დასადგენად;
6. ყველა ის ოპოზიციონერი პოლიტიკოსი, რომელიც ოფიციალურად თანამშრომლობს სახელმწიფო მოღალატეებთან, ავტომატურად ბრალდებული იქნება სახელმწიფო ინტერესების შელახვასა და ღალატში;
7. საქართველოს მოქალაქეების პროტესტი კონსტიტუციის დამრღვევთა მიმართ წარმოადგენს კანონიერ აქტს;
8. კანონიერ პროტესტში მონაწილე მოქალაქეების მიმართ ფიზიკური ძალის გამოყენება და სამართლებრივი დევნა წარმოადგენს ანტიკონსტიტუციურ, ანტისამართლებრივ პროცესს და მასში მონაწილე ყველა სახელმწიფო სტრუქტურა, იქნება ეს პოლიცია, პროკურატურა თუ სასამართლო, ავტომატურად ხდება სახელმწიფო დამნაშავე ყველა შესაბამისი პასუხისმგებლობით;
9. საქართველოს პრეზიდენტის ინსტიტუტის, ყველა მოქმედი პოლიტიკოსისა და პატრიოტი მოქალაქის კონსტიტუციური მოვალეობაა, მოითხოვოს ვადამდელი საპარლამენტო არჩევნების დაუყოვნებლივ მომზადება და ჩატარება;
10. საქართველოს პრეზიდენტის ინსტიტუტი და ოპოზიციური პოლიტიკური სპექტრი ვალდებულია შექმნას დროებითი მთავრობა, მართვის სადავეებს ჩამოაცილოს კონსტიტუციის დამრღვევები და მიმართოს მსოფლიო თანამეგობრობას შესაბამისი მიმართვით;
11. საქართველოს მოქალაქეების კონსტიტუციური უფლება და მოვალეობაა მხარი დაუჭირონ და უზრუნველყონ ზემოთქმული პუნქტების აღსრულება ყველა შესაძლო საშუალებით.
კომენტარები