შაქარაშვილის გარდაცვალების საქმეზე ბრალდებული 11 პირი სასამართლომ პატიმრობაში დატოვა. გადაწყვეტილება მცხეთის რაიონულმა სასამართლომ რამდენიმე წუთის წინ მიიღო.
მცხეთის რაიონული სასამართლოში 19 წლის ფეხბურთელის, გიორგი შაქარაშვილის გარდაცვალების საქმეზე, მიმდინარე პროცესს 11-ვე სრულწლოვანი ბრალდებული ესწრებოდა. ბრალდებული მორაგბეების ადვოკატები სასამართლო სხდომაზე აღკვეთის ღონისძიების სახედ გირაოს საკითხს აყენებნენ.
ისინი დაკავებულების მიმართ შეფარდებული აღკვეთის ღონისძიების 5 000-დან 10000-ლარიანი გირაოს სანაცვლოდ გათავისუფლებას ითხოვდნენ. პროკურატურამ კი, ბრალდებულების კვლავ პატიმრობაში დატოვების შუამდგომლობა დააყენა.
11 პირიდან ბრალს არ აღიარებს 10 მათგანი, მხოლოდ ერთი – ფეხბურთელი ირაკლი წაქაძე ბრალს ნაწილობრივ აღიარებს, მას მხოლოდ აგარაკის ეპიზოდში მომხდარ დაპირისპირებასთან დაკავშირებით ძალადობას ედავებიან. პროკურორის განმარტებით, მას არ დაზუსტებია რას გულისხმობდა ნაწილობრივ აღიარებაში.
დუმილის უფლება გამოიყენა, საბა ჩხარტიშვილმა გამოიყენა. მასაც მცხეთის აგარაკის ეპიზოდში მომხდარ დაპირისპირებასთა დაკავშირებით ძალადობას ედავებიან.
პროკურატურამ, სრულფასოვანი გამოძიების საბაბით, 31 ივლისს დანიშნული წინასასამართლო სხდომის ვადის ერთი თვით გაგრძელება მოითხოვა, რის შედეგადაც დღის წესრიგში დადგა სრულწლოვანი ბრალდებულებისათვის წინასწარი აღკვეთის ღონისძიების გადახედვის საკითხი.
ამჟამად, 11 სრულწლოვან ბრალდებულს, ირაკლი მუმლაძეს, თენგიზ ბარბაქაძეს, საბა გოგშელიძეს, გიგა ტატიაშვილს, ვახტანგ ჩიქოვანს, ნიკა ჟვანიას, საბა ჩხარტიშვილს, ვასილ მახარაძეს, არჩილ გაგნიძეს, ირაკლი წაქაძესა და ნიკოლოზ რევაზიშვილს, გამოძიება ედავება ჯგუფური ძალადობის ორგანიზებას, ჯგუფურ ძალადობაში მონაწილეობასა და თავისუფლების უკანონო აღკვეთას. საქმე მიმდინარეობს კიდევ ერთი, დამამძიმებელ გარემოებებში განზრახ მკვლელობის მუხლით, თუმცა, ამ დრომდე, ეს მუხლი არცერთ ბრალდებულს არ აქვს წარდგენილი.
რაც შეეხება ექვს არასრულწლოვან ბრალდებულს, იმის გათვალისწინებით, რომ „არასრულწლოვანთა მართლმსაჯულების კოდექსის“ მოთხოვნათა შესაბამისად, სავალდებულოა მათ მიმართ წინასასამართლო სხდომა ჩატარდეს სისხლისსამართლებრივი დევნის დაწყებიდან არა უგვიანეს 40 დღისა და ამ ვადის გაგრძელებას კანონმდებლობა არ ითვალისწინებს, მათი ბრალდების საქმე, რომელიც ეხება ჯგუფური ძალადობის ორგანიზებას, მასში მონაწილეობასა და თავისუფლების უკანონო აღკვეთის ფაქტებს, სასამართლოში არსებითი განხილვისთვის 31 ივლისს წარიმართება.
თუმცა, ბრალდების განცხადებით, ეს გარემოება არ გამორიცხავს, შემდგომში მოპოვებული მტკიცებულებების საფუძველზე, არასრულწლოვანი ბრალდებულებისათვის ახალი ბრალდების, დამამძიმებელ გარემოებებში განზრახ მკვლელობის მუხლის წარდგენას.
კომენტარები