ფოტო – reporter-ohne-grenzen.de
100 -ზე მეტმა ავღანელმა ჟურნალისტმა საერთაშორისო საზოგადოებას სასწრაფო მიმართვა ანონიმურად გაუგზავნა – ინფორმაციას “რეპორტიორები საზღვრებს გარეშე” ავრცელებს.
წერილს სათაურით “ავღანურ ჟურნალისტიკას გადაშენება ემუქრება”, ხელს 103 ჟურნალისტი აწერს, მათ შორის 20 ქალი. მათი უმეტესობა კვლავ მუშაობს ავღანეთში (ქაბულში ან სხვადსხვა პროვინციულ ქალაქში), ზოგი მათგანი იმალება, რადგან ეშინიათ, რომ მათს უსაფრთხოებას საფრთხე ემუქრება. 10-მა კი ავღანეთის დატოვება უკვე მოახერხა.
ჟურნალისტები საერთაშორისო საზოგადოებას სთხოვენ, მიიღონ სასწრაფო ზომები ავღანეთში მედიის თავისუფლების შესანარჩუნებლად.
კომენტარები