ფოტოები – BBC
BBC-ის ინფორმაციით, ყაზახეთში დაპირისპირება გრძელდება. გარდა იმისა, რომ დაღუპულია BBC-ის ცნობით 12 სამართალდამცველი, ასევე მოკლულია ათობით დემონსტრანტი. მედიასაშუალების ცნობით, დემონსტრანტების დახოცვა მოჰყვა პოლიციის შენობაზე თავდასხმას, რომლის დროსაც პროტესტანტებს იარაღის მოპოვება სურდათ და ნაწილობრივ მოახერხეს კიდეც ეს.
გართულებულია ინფორმაციის დაზუსტება, რადგან ყაზახისტანში ამ დროისათვის ისევ გათიშულია ინტერნეტი, ტელევიზიები. ყაზახეთის მთავრობა მოქალაქეებს სახლში დარჩენისკენ მოუწოდებს. პარალელურად, რუსული მედიის მიერ გავრცელებულ ვიდეოში ნაჩვენებია, რომ რუსი ჯარისკაცების მცირე რაოდენობა სამხედრო-სატრანსპორტო თვითმფრინავში ჩაჯდა. ალიანსის ცნობით, სამშვიდობო ძალები განლაგდებიან ყაზახეთში სახელმწიფო და სამხედრო ობიექტების დასაცავად.
მედიასაშუალების ცნობით, ვრცელდება ინფორმაცია, რომ ჯარის და პოლიციის ნაწილმა უარი თქვა ხალხის დარბევაზე.
გავრცელებული ინფორმაციით, არეულობისას დაახლოებით 1000 ადამიანი დაშავდა, 400 საავადმყოფოში მკურნალობს, 62 კი რეანიმაციაში.
კომენტარები