“10-15-მდე ადამიანს ვეძებთ” – აქედან რამდენია ბავშვი, გომელაური ვერ აკონკრეტებს

ამ წუთებში ბათუმში შს მინისტრი ვახტაგ გომელაური იმყოფება, ის 26 მაისის ქუჩაზე ჩამონგრეულ კორპუსთან მოვიდა, სადაც კომენტარი გააკეთა ჟურნალისტებთან.

გომელაური ამბობს, რომ ნანგრევებში 10-იდან 15-მდე ადამიანს ეძებენ, აქედან რამდენი შეიძლება იყოს ბავშვი, გომელაური ვერ აკონკრეტებს.

შსს მინისტრის თქმი, კორპუსის ჩამონგრების გამო, დაკავებული არავინ არ არის, თუმცა გამოკითხვებაზე იმყოფებიან ადამიანები.

რა გახდა კორპუსის ჩამონგრების მიზეზი, ამ კითხვაზე დადასტურებული პასუხი ჯერჯერობით არ არსებობს, თუმცა როგორც გომელაური ამბობს, შენობაში მიმდინარეობდა სარემონტო სამუშაოები.

მინისტრის განცხადებამდე ბათუმის მერიამ განაცხადა, რომ 7-8 ადამიანს ეძებდნენ ნანგრევებში, რასაც არ ეთანხმება გომელაური.

მინისტრის თქმით, ადგილზე დაახლოებით 200-მდე მაშველია მობილიზებული.