,,ხალხის ძალის” ერთ-ერთი ლიდერი, დიმიტრი ხუნდაძე სოციალურ ქსელში წერს:
„საქართველოს ყოფილი გენპროკურორი, არაერთი სისხლის სამართლის საქმეზე მსჯავრდადებული და ბრალდებული ზურაბ ადეიშვილი 24 თებერვალს გერმანიაში, ბუნდესტაგში იმყოფებოდა. უკრაინის გენერალურ პროკურორთან ერთად გერმანიის პარლამენტის დეპუტატების მხრიდან საქართველოში უკვე გასამართლებული პირის ოფიციალური მიღება, არ ზის იმ დიპლომატიურ ეტიკეტში, რასაც პარტნიორობა ჰქვია. როდესაც ამაზე ხმამაღლა ვაცხადებთ, ანტიდასავლურ რიტორიკას აწერენ. არადა, ძალიან მარტივია, პატივი სცე პარტნიორი სახელმწიფოს მართლმსაჯულებას.
ევროკავშირის სახელმწიფოებიდან გერმანიასთან დიდი ხნის მეგობრობა გვაკავშირებს. იმედს გამოვთქვამ, რომ კონკრეტულ ფაქტზე მოხდება რეაგირება და მომავალში მეტად გავუფრთხილდებით ჩვენს ურთიერთობებს. ზურაბ ადეიშვილის ადგილი არის ციხეში და არა – გერმანიის ბუნდესტაგში“
კომენტარები