თურქეთის პრეზიდენტი რეჯეფ თაიფ ერდოღანი უკვე ლვოვშია. ის უკრაინაში პოლონეთიდან ჩავიდა. თურქეთისა და უკრაინის პრეზიდენტების შეხვედრა იმ სასახლეში შედგება, სადაც ცნობილი უკრაინული სერიალი “ხალხის მსახური” გადაიღეს ვოლოდიმირ ზელენსკის მონაწილეობით. სერიალის სიუჟეტის მიხედვით, სწორედ ამ სასახლეში მიმდინარეობდა მრავალდღიანი მოლაპარაკებები საერთაშორისო სავალუტო ფონდთან.
უკვე ლვოვში იმყოფება უკრაინის პრეზიდენტიც. მოლაპარაკებას ზელენსკი დღეს ერდოღანის გარდა, გაეროს გენერალურ მდივანთანაც გამართავს.
გავრცელებული ინფორმაციით, შეხვედრაზე თურქეთის პრეზიდენტი უკრაინელ კოლეგას პუტინთან პირისპირ მოლაპარაკებების დაწყებას შესთავაზებს. Reuters-ის ცნობით, შეხვედრის დღის წესრიგის საკითხებია ასევე მარცვლეულის ექსპორტი და ზაპოროჟიეს ატომურ ელექტროსადგურთან დაკავშირებული სიტუაცია.
შეხვედრის შემდეგ ლიდერები ერთობლივ პრესკონფერენციას გამართავენ.
კომენტარები