საქართველოს მესამე პრეზიდენტის ადვოკატმა, გიორგი გელხაურმა, კიდევ ერთხელ განმარტა, რატომ არის დაუშვებელი მიხეილ სააკაშვილის გლდანის მე-18 პენიტენციური დაწესებულების საავადმყოფოში გადაყვანა.
ადვოკატმა რუსთავის ციხესთან აგრესიული ჯგუფების მიერ გამართული აქცია გაიხსენა და თქვა, რომ გლდანის ციხეში, სადაც უამრავი სხვადასხვა მძიმე დანაშაულისთვის მსჯავრდებული პირი იხდის სასჯელს, მესამე პრეზიდენტის უსაფრთხოება დაცული ვერ იქნება.
“ჩვენ ვნახეთ რომ აქ აქცია მოუწყვეს მიხეილ სააკაშვილს, მოდიოდნენ, უშვერი სიტყვებით იგინებოდნენ, ღრიალებდნენ… როგორ წარმოგვიდგენია, როდესაც გლდანის საპყრობილეში მოათავსებენ მიხეილ სააკაშვილს, იქ რა იქნება და რა მოხდება. ამიტომ ვიძახით, რომ არ შეექმნას მის სიცოცხლეს საფრთხე, არ უნდა მოხდეს მისი მე-18 დაწესებულებაში გადაყვანა და უნდა მოახდინონ სამოქალაქო კლინიკაში ჰოსპიტალიზაცია”, – თქვა გელხაურმა.
მანვე აღნიშნა, რომ ხელისუფლებამ მისივე შექმნილი ექიმთა კონსილიუმი არცერ რეკომენდაციას არ ითვალისწინებს.
ცნობისთვის, საქართველოს მესამე პრეზიდენტი თბილისში 1 ოქტომბერს დააკავეს. ის რუსთავის ციხეში უკვე 29-ე დღეა, შიმშილობს.
კომენტარები