“ვითომ უფრო მორწმუნე ხაარ” ძახილი და მრევლის ქილიკი არის სიბრიყვე…”

თეოლოგი, ვარლამ ხათრიძე, სოციალურ ქსელში, წერს:

“სახელმწიფოში საგანგებო მდგომარეობა გამოცხადდა. ჯანდაცვის ს. ო. ჰიგიენის დაცვასთან დაკავშირებით გასცა რეკომენდაციები რაც უნდა შევასრულოთ.

სინოდმა მიიღო გადაწყვეტილება ეკლესიები არ დაიხურება და ვისაც სურვილი ექნება შეეძლება ღვთისმსახურებაში მონაწილეობის მიღება. დამონტაჟდება ტექნიკური საშუალებები რაც უზრუნველყოფს წირვის რიტუალის გახმოვანებას და მორწმუნეს საშუალება ექნება ეზოში დგომით მოისმინოს ლიტურგია. თუ მრევლის რომელიმე წევრი შეუძლოდაა და სურვილი გამოთქვა მიიღოს ზიარება, მას სახლში აზიარებენ.

ვფიქრობ სახელმწიფოს და ეკლესიის გადაწყვეტილება არ ეწინააღმდეგება ერთმანეთს.

მოქალაქეების ნაწილმა გამოთქვა საყვედური ეკლესიის იმ მრევლის მიმართ ვინც ტაძარში მიდის.
ეს ადამიანები ორ ჯგუფად იყოფა.
1. ათეისტები, რომლებიც არც მალავენ ეკლესიის და ღვთისმსახურების მიმართ უარყოფით განწყობას და სულ ჩასაფრებულნი არიან საკბილო იპოვნონ და მერე ვაი-ვიში ატეხონ და ეკლესია გააკრიტიკონ. ასევე ადამიანები რომლებიც მორწმუნის ნიღაბით მოძღვრავენ ადამიანებს თუმცა თავად რელიგიური მსოფლმხედველობიდან ძალზედ შორს დგანან.
2. ადამიანები, რომელიც დადიან ტაძარში და სიფრთხილის გამო და სხვისი აზრის გავლენით უწუნებენ ეკლესიაში მიმსვლელებს ლიტურგიაზე დასწრების გადაწყვეტილებას.

ტაძარში ლიტურგიაზე დგომის დროსაც შესაძლებელია დაიცვა რეკომენდაციები და ნუ ხდით ამას საქილიკოდ.

ერთი მღვდელმთავრის ქადაგება მოვისმინე თუ ბევრი მოხვალთ პატარა ტაძარში ჩავატარებ ღვთისმსახურებას სადაც 5 კაცი ეტევა მხოლოდო. შემდეგ დაამატა ხშირად არ ეზიარებიან და ეხლა რატომ მოისურვეს ასეო. არ ვიცი ასეთი საუბრით ვის “უკმევს” ეს მღვდელმთავარი მაგრამ სინოდის გადაწყვეტილებას, რომ არ ეხმიანება ასეთი საუბარი ფაქტია.
რას ნიშნავს ტაძარს დაკეტავს. ხალხმა რომ ააშენა იმ ტაძარს კეტავს ეს ბატონი? ან რას იმადლება საჩვენებელი თითის ქნევით ვერ ვხვდები. ვის და სწორედ მას არ უნდა უკვირდეს განსაცდელის ჟამს ადამიანების ტაძრისკენ განსაკუთრებული ლტოლვა და მაგ დროს ზიარების მიღების მოთხოვნილების მეტად გაჩენა.
ტაძარი თუ დაკეტე აბა რას ნიშნავს სინოდის გადაწყვეტილება ტაძრების არ დაკეტვის თაობაზე. ასე გვაძლევს სინოდის გადაწყვეტილების მორჩილების მაგალითს? სწორედ ასეთი სასულიერო პირები (კიდევ კარგი ბევრნი არ არიან) აბნევენ საზოგადოებას დაყენებული ვითომ მშვიდი სახეებით და “ბჭერმეტყველებით” (ვიცი სინამდვილეში რა ამბიციები და მზაკვრობა ალაპარაკებს/თ).

მრევლის, ვინც ტაძარში დადის “ვითომ უფრო მეტად მორწმუნე ხაარ” ძახილი და ქილიკი არის სიბრიყვე…

თუ ქვეყანაში გართულდა ვითარება სინოდი კვლამ იმსჯელებს და მიიღებს შესაბამის გადაწყვეტილებას, რაც ზუსტად იქნება ვითარების შესაბამისი და მრევლის უსაფრთხოებისთვის აუცილებელი. მანამდე კი ნუ დავიყრით თავზე ნაცარს, წინასწარ ნუ გამოვიგლოვებთ საკუთარ თავს და ნუ მივაყენებთ სხვებს შეურაცხყოფას…”