პირველი აპრილიდან თბილისის მოსწავლეებისთვის ლურჯი მიკროავტობუსები უფასო იქნება, – ამის შესახებ “ალიას” თბილისის მერიამ განუცხადა.
სტუდენტები, სკოლების და ბაღების მასწავლებლები და ყველა ის პირი, ვინც საზოგადოებრივი ტრანსპორტით მგზავრობისას შეღავათით სარგებლობდა, იგივე შეღავათებით იმგზავრებს ახალი, ლურჯი მიკროვატობუსებით სარგებლობისას.
თბილისის მოსწავლეებისთვის ლურჯი მიკროავტობუსებით მგზავრობა უფასო იქნება.
ლურჯ მიკროავტობუსებში, რომელ მარშრუტებზეც მგზავრობის ტარიფი 80 თეთრი ღირდა, 50 თეთრი გახდება.
მგზავრს შეეძლება ერთი გადახდით საათნახევრის განმავლობაში უფასოდ იმგზავროს მეტროთი, ავტობუსით და ახლა უკვე ლურჯი მიკროავტობუსით.
პირველი აპრილიდან ლურჯი მიკროავტობუსები დედაქალაქის საზოგადოებრივი ტრანსპორტის ინტეგრირებული გადახდის სქემაში ჩაერთვება და ტარიფები და შეღავათები მეტროსა და ავტობუსებში აქამდე არსებული წესების მსგავსი იქნება.
კომენტარები