„ანტისაოკუპაციო მოძრაობის“ ლიდერი, დავით ქაცარავა სოციალურ ქსელში წერს:
„ბევრი დაიწერა და ითქვა ამ ბოლო 10 დღის განმავლობაში მობილიზაციას “გამოქცეული” რუსების შესახებ, რომლებმაც გადაავსეს ჩვენი ქვეყანა.
ბოლო მონაცემებით, 78 000+ რუსეთის მოქალაქემ გადმოკვეთა საქართველოს საზღვარი და შემოვიდა ჩვენს ტერიტორიაზე.
აქედან უმეტესობა 21-55 წლის მამაკაცები არიან, ვინც მობილიზაციის ა კატეგორიაშია.
ეს არც საკამათოა და ამაში ყველა ვთანხმდებით.
ეხლა მოკლედ გაგახსენებთ 2014 წელს, უკრაინა, ყირიმი.
ე.წ. “მწვანე კაცუნები”, რომლებიც “სასწაულებრივად” ერთ დღეს აღმოჩნდნენ აბსოლუტურად ყველგან და ძალიან მარტივად მოახდინეს ყველა ადმინისტრაციული შენობის, სამხედრო ნაწილების და კრიტიკული ინფრასტრუქტურის ბლოკირება, რაც საბოლოო ჯამში ტრანსფორმირდა ყირიმის ოკუპაციასა და საბოლოო ანექსიაში.
ეხლა კი კითხვა:
ვინმეს გაგიკვირდებათ, ამ “გამოქცეული” რუსების რიგებში, 21-55 წლის მამაკაცებში რომ აღმოჩნდნენ არა მხოლოდ აიტის სპეციალისტები, როგორც გვამშვიდებენ ზოგიერთები, არამედ ზუსტად ასეთი “მწვანე კაცუნები”, რომლებიც ერთ დღეს გაჩნდებიან დედაქალაქის ქუჩებში?
ხოდა მერე რას ვაკეთებთ?
ვის გგონიათ, რომ რუსები არ არიან ამაზე წამსვლელები და რომ აქ შემოსული რუსები მხოლოდ აიტიშნიკები არიან, დაპლიუსდით.
მე კიდევ უბრალოდ ვიკითხე, არაფერი ისეთი….“
კომენტარები