ჯანდაცვის მინისტრის მოადგილის, თამარ გაბუნიას განცხადებით, მოქალაქეებს “მწვანე პასპორტის” მიღება შეუძლიათ როგორც აპლიკაციის გამოყენებით, ასევე იუსტიციის სახლში, ქაღალდის პასპორტის აღების გზით.
მისივე თქმით, მოქალაქეებს, რომელთაც ქაღალდის “მწვანე პასპორტი” იუსტიციის სახლში 17 ნოემბრამდე აიღეს, მისი გამოცვლა მოუწევთ.
“მწვანე პასპორტი” ნიშნავს სამი კრიტერიუმიდან ერთ-ერთის დაკმაყოფილებას – ეს არის სრულად ვაქცინირებული პირი, პირი, რომელმაც გადაიტანა კოვიდინფექცია გარკვეულ ეტაპზე, არ აქვს მნიშვნელობა როდის და მესამე – PCR ტესტის უარყოფითი პასუხი ან ანტიგენ ტესტის უარყოფითი პასუხი. PCR ტესტის შემთხვევაში, 72 საათიან ვალიდურობაზე ვსაუბრობთ, ანტიგენ ტესტის შემთხვევაში – 24-საათიან ვალიდურობაზე.
“მწვანე საშვი”, შესაძლოა, იყოს ელექტრონული სახით გამოყენებული – ტელეფონში შეგიძლიათ ჩამოტვირთოთ georgian e helath-ის ან Covid pass-ის აპლიკაცია ძალიან მარტივად. ასევე, შეგიძლიათ ქაღალდის პასპორტის გამოყენება. ვინც “მწვანე საშვის” ქაღალდის პასპორტი იუსტიციის სახლში აიღო 17 ნოემბრამდე, მას მოუწევს გამოცვალოს და აიღოს ახალი პასპორტი, რადგან გარკვეული დეტალები დაზუსტებულია,”- აცხადებს გაბუნია.
შეგახსენებთ, რომ დღეიდან ქვეყანაში “მწვანე პასპორტები” ამოქმედდა. ვისაც “მწვანე სტატუსი” არ აქვს, შესვლა ეკრძალება რესტორნებში, კინოთეატრებში, გასართობ ცენტრებში, სასტუმროებში და სხვა დაწესებულებებში.
კომენტარები