“ვინ უფრო მდაბიოა? გია ბარამიძე, თუ ირაკლი კობახიძე?” – ლევან ლორთქიფანიძე

პოლიტოლოგი, ლევან ლორთქიფანიძე:

“ქართული პოლიტიკის უმთავრეს ნიშნად სიყალბე, იაფფასიანი მანევრები და ადამიანების აბუჩად აგდება იქცა.

ვინ უფრო მდაბიოა???

გია ბარამიძე, რომელიც ამტკიცებს, სააკაშვილმა კი თქვა ბევრჯერ ჩამოვალო, მაგრამ ადრე სასხვათაშორისოდ გითხრათ, წაგეთამაშათ, ახლა კი თითები აქვს გადაჯვარიდინებული და ნაღდად ჩამოვაო.

თუ

ირაკლი კობახიძე, რომელმაც აღიარა, ორი წლის წინ გახარიას პრემიერად რომ ვირჩევდი, ლეგენდარულ ლიდერად და რეფორმატორად რომ ვაცხადებდი, კბილებით რომ ვიცავდი, გატყუებდით, თვალებში ნაცარს გაყრიდით და ზურგსუკან პარტიის სიის პირველ ნომერს ბოლს ვეძახდიო. გახარია მეფის ნავში ყოფნისას განუმეორებელი მენეჯერი ყოფილა, ნავიდან გადმოსვლის შემდეგ – ჩვენთვის სულ კვამლი და უბედურება იყოო… (ისე ირაკლის გადაეცით, მასზე ნახევარზე მეტი საქართველო ღიად ფიქრობს, რომ ბავშვის ნათლობის მოკრძალებულ, სამკაციან ცერემონიალზე ვერ გამოდგება თამადად.)

P.S. ცნობა: გახარიას პანკისის დარბევის მცდელობის შემდეგ ვერ ვიტან.