ვინ დიზელს ყოფილმა ასისტენტმა, ასტა იონასონმა სექსუალური ძალადობისთვის სასამართლოში უჩივლა. ამის შესახებ PageSix წერს.
„ფორსაჟის“ ვარსკვლავის ყოფილი ასისტენტის თქმით, შემთხვევა 2010 წელს ატლანტაში მოხდა.
მისი თქმით, 56 წლის მსახიობმა ასტა თავის ოთახში კლუბიდან დაბრუნების შემდეგ სხვა ქალებთან ერთად მიიპატიჟა. მას შემდეგ, რაც სხვებმა დიზელის ოთახი დატოვეს, მან იონასონს მაჯაზე ხელი მოჰკიდა და ლოგინზე დააგდო.
მიუხედავად იმისა, რომ იონასონი თავის ყოფილ უფროსს ეხვეწებოდა გაჩერებულიყო, დიზელმა ქალს მკერდი გაუშიშვლა და კოცნა დაუწყო. იონასონის თქმით, რაღაც დროის შემდეგ მან დიზელისგან თავის დაღწევა მოახერხა, თუმცა, დიზელმა ის ისევ დაიჭირა და ძალადობა განაგრძო.
კომენტარები