ვინ არის საბედისწერო ტურის გიდი, რომელიც შატილის გზაზე ავტოკატასტროფას ემსხვერპლა

გუშინ, 23 აგვისტოს შატილის გზაზე მომხდარი საზარელი ავტოსაგზაო შემთხვევის შედეგად გარდაცვლილი გიდი სერგო გორლიუკოვია.

როგორც გარდაცვლილის მეგობრები Facebook-ზე წერენ, სერგო იყო გამოცდილი, სანდომიანი, თბილი და ყურადღებიანი გიდი, როემლთან ერთადაც მგზავრობა იყო დაუვიწყარი.

„არ მჯერა, სერგოსთან ერთად მოვიარე კაბადოკია, ანტალია, სტამბოლი, ბაქო… ყველაზე გამორჩეული, უთბილესი და უმაგრესი ადამიანი. ყველაზე ყურადღებიანი გიდი, ვისაც ერთხელ მაინც შეხება ჰქონია სერგოსთან, ვერასდროს დაივიწყებს ისეთი პიროვნება იყო“.

„სერგო… რა დასანანი და სამწუხაროა… ის კაბადოკიაში მოგზაურობისას გავიცანი, ახალგაზრდა, განათლებული, კულტურული, მოწესრიგებული გიდი… ნათელი და სასუფეველი მის სულს…. ვუსამძიმრებ და თანავუგრძნობ ოჯახს, ახლობლებს, მეგობრებს…“

„რამდენი ქვეყნის დაუვიწყარი მოგონება დაგვიტოვე სერგო ნათელში იყოს შენი სული“, – წერენ გარდაცვლილი გიდის მეგობარ-ახლობლები.

შეგახსენებთ, შატილის გზაზე ავარიის შედეგად 17 ადამიანი გარდაიცვალა, სამის მდგომარეობა კი უკიდურესად მძიმეა.

ტურისტული კომპანიის მიკროავტობუსი, დაახლოებით, 80 მეტრის სიმაღლიდან კლდოვან ფერდობზე გადავარდა. შინაგან საქმეთა სამინისტრომ მომხდარ ფაქტზე გამოძიება საქართველოს სსკ-ის 276-ე მუხლით დაიწყო.

მთავრობის განკარგულებით, 25 აგვისტო საქართველოში გლოვის დღედ გამოცხადდა.

პრაიმტაიმი