რამდენიმე წუთის წინ “ტვ პირველის” ბრიფინგზე, ინგა გრიგოლიამ თქვა:
“ხელისუფლებას მინდა მივმართო, გვინახავს 7 ნოემბერი სპეცრაზმი და ხელკეტები, გვინახავ შევარდნაძის დროს რუსთავი2-ში შევარდნა, გვინახავს ჩვენი დამფუძნებლის მამას რომ დაატარებდნენ სასამართლო-სასამართლო…
ვართ გამოწრთობილი თაობა და გაძლევთ პირობას, არ დავთმობთ ამ ტელევიზიას არც ერთი წამით…
ამ ჩანაწერების გასაჯაროების შემდეგ ველოდი დიდ შემოტევას ტვ პირველზე. რაც უნდა ენა მოიჩლიქონ “ოცნების” წარმომადგენლებმა და საზოგადოებას უთხრან რომ უი, შეჭრა არ იგეგმება, თურმე “ტვ პირველში”, მაშ, მე მაქვს კითხვა, რას ნიშნავს ის ჩანაწერი, რომელიც არის გაკეთებული აი აქ, იძულებით შესვლასთან დაკავშირებით?
მინდა გითხრათ, ბევრი მთავრობა მინახავს, ძალიან ძლიერი და ძალიან მაგარი რომ ეგონა თავისი თავი, ძალიან დიდი ფულის პატრონები რომ იყვნენ და შემდეგ ისე წასულან, რომ მათი 70 პროცენტი, ალბათ, დღეს თავადაც ვერ იჯერებს, რომ ქვეყნის მმართველობაში იყვნენ. ნუ გაიმეორებთ!
ჩვენ მოვისმინეთ, საბჭოთა ტვინების სამარცხვინო მოწოდებები ცენზურის აუცილებლობასთან, ტელევიზორების გამორთვასთან დაკავშირებით, ეს იყო ყველაზე ამაზრზენი… არ გამოგივათ, ეს შეფასებები, რაც ჩემი საკუთარი თვალით ვნახე, იყო იმის წინაპირობა, რომ ძალით აეღო “ტვ პირველი”, ვერ აიღებთ ძალით, გაძლევთ ამის პირობას. ჩვენ ამ ტელევიზიას არ დავთმობთ!
საგამოძიებო მოქმედების ჩამტარებელ პირს, უფლება აქვს წინააღმდეგობის გაწევისას იძულების პროპორციული ზომა გამოიყენოს? – რას ნიშნავს ეს ჩანაწერი, ბატონებო? არ გამოგივათ. “
კომენტარები