(ვიდეო) – თავის დახრას არ ვაპირებ! – ერთ მხარეს დგას გავრილოვი და მეორე მხარეს ქართველი ხალხი

“ენმ”-ის თავმჯდომარე, ნიკა მელია, სერგეი გავრილოვის განცხადების შემდეგ, ბრიფინგს მართავს:

“რუსეთის დუმის გამორჩეულად აგრესიული დეპუტატის, სერგეი გავრილოვის განცხადება გავრცელდა, თავიდან ბოლომდე მხარს უჭერს ქართულ ოცნებას და 2019 წის 20 ივნისის ეროვნულ გამოსვლას, სახელმწიფო გადატრიალებას უწოდებს. ეს არის პირდაპირი დირექტივა ქართული ოცნებისთვის, პოლიტიკური რეპრესიების გასაგრძელებლად.

აქ სალაპარაკო აღარაფერი დარჩა, წილი ნაყარია, ხაზები გავლებულია, ყველაფერი ნათელია. ერთ მხარეს დგას ოკუპანტი გავრილოვი და მეორე მხარეს დგას შეუპოვარი ქართველი ხალხის პროტესტი – როდის თუ არა ახლა, ქართული ოცნების ყველა დეპუტატმა უნდა ჰკითხოს თავის თავს – რომელ მხარეზე დგანან? გავრილოვების მხარეს, თუ ანწუხელიძეების, ზვიად გამსახურდიების და ეროვნული ღირსების მხარეს.

მე სანერვიულო არაფერი მაქვს, თქვენზე კი ნამდვილად შეიძლება ადამიანმა იდარდოს. გადაწყვეტილება მიიღეთ და ჩემ მიერ მიღებული გადაწყვეტილება იქნება გაცხადებული – თავის დახრას არ ვაპირებ!”