(ვიდეო) – სქემა – როგორ უტეხავდნენ ივანიშვილს ფულს და რა ბრძანება გასცა სააკაშვილმა “ქართუ ფონდთან” დაკავშირებით?

 „იცოდე, ბიძინა მიშას დაურეკავს“ სპეცრეპორტაჟი, საიდანაც ბიძინა ივანიშვილი გაიგებს: როგორ „უტეხავდა“ ფულს მისივე უახლოესი გარემოცვა.

ისტორია, რომელიც 2007 წელს დაიწყო, ლაშა ბრეგვაძე ამტკიცებს, რომ ივანიშვილის სურვილებს ემსახურებოდა სახელმწიფო უწყებები.

ლაშა ბრეგვაძე:

“შევხვდი ირაკლი ღარიბაშვილს, “ქართუ ბანკში” შევხვდი, შევთანხმდით, რომ 2 000 კვ.მ. მიწის ნაკვეთის სანაცვლოდ უნდა გადაეხადა 400 000 დოლარი ბიძინა ივანიშვილს. კაბინეტიდან გამიყვანეს, სანამ ხელს მოვაწერდი ხელშეკრულებას და მითხრეს, რომ 200 000 მათთვის უნდა მიმეცა. ვფიქრობ, მოუტეხეს ბიძინას ფული… ვისაც ეს 200 000 მივეცი ის ესწრებოდა ღარიბაშვილთან ჩემ მოლაპარაკებებს.”

მოგვიანებით, კიდევ მოსთხოვეს მიწის დათმობა ლაშა ბრეგვაძეს, დაიბარეს ქალაქ თბილისის მერიაში და იქ უთხრეს, რომ უნდა დაეთმო მიწა ბიძინა ივანიშვილისთვის.

მამუკა ახვლედიანი, თბილისის მერიის ყოფილი მოადგილე ადასტურებს, რომ მას ჰქონდა დავალება, ბიძინა ივანიშვილთან დაკავშირებული საკითხები პირველ რიგში უნდა განეხილა.

ლაშა ბრეგვაძე:

“პრეზიდენტმა სააკაშვილმა უნდა დაურეკოს 10 საათზე ბიძინას და რა უთხრას ბიძინამ მიშას, გვაძლევ მიწას, თუ არაო? ხომ იცი, რა ქვეყანაში ვცხოვრობთო…”

აქვე შეგახსენებთ იმასაც, რომ იმ პერიოდისთვის, რომელ წლებზეც ლაშა ბრეგვაძე საუბრობს, ქალაქის მერი – გიგი უგულავა იყო.