(ვიდეო) – რა ხდება რუსეთის საელჩოსთან? – მინისტრის უპასუხისმგებლო განცხადება და დატყვევებული მოქალაქეები

ანტისაოკუპაციო მოძრაობის ლიდერი დავით ქაცარავა, სოციალურ ქსელში ვიდეოს ავრცელებს – შეგახსენებთ, რუსეთის საელჩოსთან აქცია მიმდინარეობს:

დავით ქაცარავა:

“შეგახსენებთ, რომ საქართველოს 5 მოქალაქე იმყოფება ტყვეობაში:

მოქალაქეები, რომლებიც იმყოფებიან ოკუპირებული ცხინვალისა და სოხუმის ციხეებში.

1. გენადი ბესტაევი. (14 თვე. მისჯილი აქვს 2 წელი)

2. ზაზა გახელაძე. (7 თვე. მისჯილი აქვს 12 წელი და 6 თვე)

3. ლაშა ხეთერელი (6 თვე. მისჯილი აქვს 1 წელი)

4. ირაკლი ბებუა. (4 თვე. მისჯილი აქვს 9 წელი)

5. რამაზ ბეღელური ( 5 დღე. იმყოფება კარანტინში და ელოდება ე.წ. სასამართლოს)

ამ ხელისუფლებამ საბოლოოდ დაკარგა ნდობა.

მან საბოლოოდ დაგვანახა, რომ დღესდღეობით არ არსებობს სახელმწიფო ნება იმისა, სახელმწიფომ რამე გააკეთოს იმისთვის, რომ დააბრუნოს საოკუპაციო რეჟიმის ტყვეები. ამიტომ ჩვენ, ამ ქვეყნის მოქალაქეებმა ყველა ღონე უნდა ვიხმაროთ იმისთვის, რომ ვაიძულოთ ხელისუფლება იმოქმედოს.”

“ალია” შეგახსენებთ, “შერიგებისა და სამოქალაქო თანასწორობის საკითხებში სახელმწიფო მინისტრის აპარატმა გაავრცელა განცხადება, სადაც ითხოვდა მხოლოდ 3 მოქალაქის გათავისუფლებას, გახელაძის, ბესტაევის და ბებუას -რამაც ადამიანების გულისწყრომა გამოიწვია.

აქციის მონაწილეები ამბობენ, რომ ისინი პარლამენტთან გადაინაცვლებენ.