რუსი ოპოზიციონერი აქტივისტის, ეგორ კუროპტევის მიმართვა საქართველოში მყოფ რუსებს:
დღეს ბევრი ჩემი კოლეგა საუბრობდა პასუხისმგებლობაზე. ხშირად მესმის პასუხი – არა, ჩვენ არ ვართ პასუხიმსგებელნი. ასე არ არის, ჩვენ ნამდვილად ვართ პასუხისმგებელნი. არა მხოლოდ იმ სისხლიან აგრესიაზე, რომელსაც ახლა ჩვენი ქვეყანა უკრაინაში ჩადის… ჩვენ ახლა ვიმყოფებით საქართველოში და მინდა ყველას ესმოდეს, როგორ ქვეყანაში ვართ და ამის შესახებაც უამბოთ მეგობრებს, დაწეროთ პოსტები… ეს ქვეყანა ოკუპირებულია რუსეთის მიერ, დღემდე ავლებენ მავთულხლართებს, თბილისიდან 30 კილმეტრში დგას რუსული ტანკი… რუსეთის ფეესბეს მიერ მოკლული ამ ადამიანების სახელები მთელმა ქვეყანამ იცის. არჩილ ტატუნაშვილი, გიგა ოთხოზორია, ირაკლი კვარცახელია… ტატუნაშვილი გაიტაცეს, აწამეს სიკვდილამდე, შემდეგ კი რუსეთის ექსპერტიზამ თქვა, რომ ის გულის უკმარისობით გარდაიცვალა.
ალბათ, არ იცით, საქართველო, უკრაინის ომის გარეშეც, 24 საათიანი რეჟიმით ცხოვრობს რუსეთის აგრესიის პირობებში – მეც რუსული პასპორტი მაქვს და შესაბამისაც, ჩემი აგრესიის პირობებში. საქართველო 24 რეჟიმით უყურებს თავისი მოქალაქეების გატაცებას, ჩვენი სამხედროები გადმოდიან, იტაცებენ ხალხს და შემდეგ ითხოვენ გამოსასყიდს.
აი, ასე ცხოვრობს საქართველო, ქვეყანა, სადაც ჩამოდიან დიდი ოდენობით რუსი აქტივისტები და სამწუხაროდ, ცოტამ თუ იცის და ცოტა თუ საუბრობს ამაზე. ბევრისგან გვესმის, რომ ჩვენ ვხსნით ბარებს, ვსვამთ ღვინოს, ვსაუბრობთ კულტურაზე… ახლა რუსებისგან ეს არავის სჭირდება… ერთადერთი, რაც უნდა დღეს მსოფლიომ დაინახოს არის ის, რომ რუსები იბრძვიან! ჩვენ თუ არ ვიბრძოლეთ რეჟიმთან – არავინ გვაპატიებს. თეატრალურად ბოდიშის მოხდის ნაცვალ. ვიბრძოლოთ, ვთქვათ, რომ რეჟიმი შესაცვლელია, რომ ხელისუფლებაში მკვლელები არიან, სხვაგვარად, გაუგებარია, როგორ უნდა ვიცხოვროთ, როგორ დავიძინოთ მშვიდად… მეტიც, მაშინც კი, თუ ვიბრძოლებთ, მე არ ვიცი, როგორ უნდა დავამშვიდო სინდისი. 36 წლის ვარ, 18 წელია ოპოზიციაში ვარ, ვუყურებ ბუჩას და აღარაფერი მნიშვნელობა აღარ აქვს იმას, რას ვაკეთებდი მთელი ცხოვრება, უკრაინელსაც აღარ აინტერესებს, რაც ვაკეთებდი მთელი ცხოვრება. ახლა თუ არ ვიბრძვი, ახლა თუ არ ვცდილობ რეჟიმის შეცვლას… ბევრი ჩვენი მოქალაქე თვლის, რომ საქართველო მოსკოვის გარეუბანია, რომ იმპერიალისტური ზრახვები კარგია! – არა, საქართველო არ არის რუსეთის შემოგარენი. თუ არ ვეცდებით ეს ყველას ავუხსნათ – არ გვაპატიებენ!
გთხოვთ, ყველას ვინც საქართველოში ხართ, არ დაგავიწყდეთ, ეს ქვეყანა ოკუპირებულია ჩვენი, რუსული ჯარით, აქ ყოველ დღე გრძელდება აგრესია, იხოცებიან ადამიანები. აქ სხვაგვარად უნდა მოვიქცეთ, პატივისცემით, ვისაუბროთ იმაზე, რას აკეთებს აქ ჩვენი ხელისუფლება და მაქსიმალურად ვიბრძოლოთ… ასე იქნებ, აღდგენა მოვახერხოთ…
ვიდეოს ნეტგაზეთი აქვეყნებს:
კომენტარები