“ენმ”-ის თავმჯდომარე, ნიკა მელია მედიასთან ამბობს:
“ჩემი არც ერთი ადვოკატი არ დაუშვეს, რათა კითხვები არ დაესვათ. შეთამაშებული კითხვა-პასუხი იყო და ჰკითხეს პროკურორს, თუ დასაჭერი იყო მელია, აქამდე რატომ არ დაიჭირეო და რა პასუხი გასცა? – სანიმუშოდ იქცეოდა მელია მთელი წელიწადნახევრის განმავლობაშიო.
ახლა გეტყვით, როგორ სანიმუშოდ ვიქცეოდი – იმ გადაწყვეტილებით, რომლის ერთ-ერთ პუნქტად სამაჯურის გაკეთება დამევალა, ასევე აკრძალული მქონდა სიტყვით გამოსვლა, ნებისმიერ საჯარო სივრცეში და სახლიდან გამოსვლისას პროკურორისთვის უნდა დამერეკა, თანხმობა მიმეღო და და ისე გამოვსულიყავი.
არც პროკურორს ვურეკავდი და რამდენჯერ ვარ საჯარო სივრცეში გამოსული? კამპანია ჩავატარე ბოლო-ბოლო.
იმ გადაწყვეტილებას ვარღვევ იმთავითვე – მაშინ რატომ არ ვიყავი დასაჭერი? – მელია, კარგად მოიქეცი, თორემ დაგიჭერენ, ჰქონდათ ეს მცდელობა – თუ შემეშინდებოდა ციხის, როცა 2014 წელს სისხლის სამართლის საქმე აღძრეს – ახლა ის ვერ ვიქნებოდი, ვინც ვარ.
იქ ვინც ჰყავთ :ოცნებაში” ასე ჰყავთ დამონებული, ვიღაცას ფული აქვს მოპარული, ვიღაცას… აბა, როგორ გგონიათ ბექა ოდიშარიას არ ესმის? რომელ სახელმწიფო პრინციპებზე მელაპარაკება ბექა ოდიშარია? დასვრილია კორუფციაში და რა წამსაც ნაბიჯს გადადგამს, ყურზე მოკიდებენ ხელს და შეაგდებენ იქ, სადაც მათი ჭკუით უნდათ მე შევიდე.
ასე ჰყავთ დამონებული ყველა, ესენი არიან მონები და მონები მე ვერ დამიჭერენ, გამორიცხულია.”
კომენტარები