(ვიდეო) – ეს ყველამ გადაიღეთ, ძალიან დიდი ინფორმაციის მატარებელი ვარ – ავთანდილ ენუქიძე

ავთანდილ ენუქიძე, რომელიც პარლამენტში “პატრიოტთა ალიანსის” სიით მოხვდა, თუმცა, კიდევ სამ პირთან ერთად, დღეიდან უკვე ახალშექმნილი პარტიის “ევროპული სოციალისტები”, წევრია, მედიასთან ამბობს:

“მე რომ ვთქვა ახლა, ვინც არ შემოდის (პარლამენტში) სააკაშვილთან გარიგებულიაო, ხომ არ იქნება სწორი, მე ხომ არ ვიცი, გარიგდა, თუ არა, თუმცაღა ეგ ეგრეა.

ეს ყველამ გადაიღეთ და ყველამ გაუშვით, დაუზუსტებელი არც ერთმა ტელევიზიამ რამე არ გააკეთოთ, ყველა ტელევიზიის დამფუძნებელს ვიცნობ ამ ქალაქში, ძალიან დიდი ინფორმაციის მატარებელი ვარ, ყველა მთავრობის შეცვლის პროცესში.”