(ვიდეო) – “ამას არ აკეთებდნენ ნაცმო და იგივეს არ აკეთებს ოცნება? მაშ რას ვერჩდით და ვერჩით?” – ზურაბ ჯიბღაშვილი

სამართლის დოქტორი, შავი ზღვის საერთაშორისო უნივერსიტეტის ასოცირებული პროფესორი, ზურაბ ჯიბღაშვილი, გიორგი გახარიას თანაპარტიელის, გიორგი ხოჯევანიშვილის ინტერვიუდან ნაწყვეტს ავრცელებს და წერს:

“გაუგონარი მეთოდებით გვებრძვის ხელისუფლება და ესე რომ ებრძოლათ ნაცმოძრაობის წინააღმდეგ, დღეს არსებული პრობლემები არ იარსებებდაო. მოსულა ყველანაირი მეთოდით ბრძოლა, უბრალოდ, ვინც მე არ მომწონს, იმათ ებრძოლეთ ასეო. მეთოდოლოგია მოსულაო. ესე იმათ უნდა ვებრძოლოთ, ვინც ჩვენი გემოვნებით არის ცუდიო.

ამათ, აი ამთ უნდათ ხელისუფლებაში მოსვლა. რომ მოვალთ, ამის გამკეთებლები ვართო. ამას არ აკეთებდნენ ნაცმო და იგივეს არ აკეთებს ოცნება? მაშ რას ვერჩდით და ვერჩით? ინტელექტში, საქართველოს და სამართლიანობის გაგებაში შემოგევლეთ. არ ვიცი, რა რეაქცია უნდა მქონდეს.

ეს არის ამათი პოლიტიკური და ადამიანური მორალი. ამათი ლიდერი იმასაც ამბობს, ჯერ სახელმწიფოა და მერე ინდივიდიო. მეშინია ამ ბრბოსი.”